Kitchen Hacks: మీ డ్రెస్, ఇల్లు చేపల వాసన వస్తుందా? ఈ చిట్కాలతో దుర్వాసన పోగొట్టండి..
Cooking Smell: ఇంట్లో చేపల కూర వండినప్పుడు వాసన వస్తుంది. వాసన తొలగించడానికి ఈ ఈజీ టిప్స్‌ని పాటించండి. ముఖ్యంగా వంట చేసేటప్పుడు తప్పనిసరిగా చిమ్నీని ఉపయోగించాలి.
చేపలు, మాంసం వండేటప్పుడు, ముఖ్యంగా చేప గుడ్లు వండేటప్పుడు, ఇల్లు మొత్తం వాసన వస్తుంది. వంట పాత్రలు కూడా వాసన వస్తాయి. ఆ వాసన ఎంతకీ పోదు.
ఇంటి నుండి చేపల వాసనను తొలగించడానికి చాలా సమయం పడుతుంది. అలాగే బట్టలకు ఆ వాసన వస్తుంది.
చేపల కటింగ్, కూరకు అవసరమైన వస్తువులు నూరి, వంట చేయడం ద్వారా దుస్తుల నుంచి కూడా దుర్వాసన వస్తుంది. ఈ దుర్వాసన కారణంగా వంట చేసే వ్యక్తులు ఆ వంటకాన్ని అస్సలు తినలేరు. ఆ వాసనతోనే కడుపు వికారంగా ఉంటుంది.
అయితే, ఈ దుర్వాసన పొగొట్టడానికి అనేక చిట్కాలున్నాయి. డ్రెస్, ఇల్లు నుంచి దుర్వాసనను ఈజీగా పొగొట్టొచ్చు.
వాసనను వదిలించుకోవడానికి బేకింగ్ సోడాతో బట్టలు శుభ్రం చేయవచ్చు. అరకప్పు బేకింగ్ సోడాను ఒక బకెట్ నీటిలో కలపాలి. అందులో దుస్తులను 30 నిమిషాలు నానబెట్టాలి. అలా చేస్తే వాసన పోతుంది.
మాంసం, చేపల వాసన తొలగించడానికి వెనిగర్ బాగా పనిచేస్తుంది. ఒక బకెట్‌లో అరకప్పు వెనిగర్ కలపాలి. ఇందులో దుస్తులను కాసేపు నానబెట్టి, సబ్బుతో ఉతకాలి. దుర్వాసన మొత్తం పోతుంది.
వంటగదిలో ఆప్రాన్ ఉపయోగించడం బెటర్. ఇది బట్టలకు తక్కువ నష్టం కలిగిస్తుంది. తక్కువ వాసన కలిగిస్తుంది. వండేటప్పుడు నూనె, మసాలా దినుసులు చిల్లకుండా చూసుకోవాలి.
వంటగదిలో ఎగ్జాస్ట్ ఫ్యాన్ తప్పనిసరిగా అమర్చాలి. ఇది వంటగది, ఇంట్లో దుర్వాసనను తగ్గిస్తుంది. అలాగే, వంట కారణంగా ఏర్పడే దమ్ము, దూళిని పోగొడుతుంది. అంతేకాదు.. దుస్తులపై వాసనను కూడా తగ్గిస్తుంది.