సాంప్రదాయ దుస్తులతో మెరిసిన కాలేజీ స్టూడెంట్స్, ట్రాక్టర్లతో కాలేజీలోకి ఎంట్రీ
ప్రపంచంలో భారతీయ సంస్కృతి, సాంప్రదాయం బిన్నంగా ఉంటుంది. ముఖ్యంగా భారతీయుల వస్త్రధారణ సాంప్రదాయ దుస్తులు వెరీ వెరీ స్పెషల్. చీర, దోతీలు ఇప్పుడు ఎల్లలు దాటి విదేశాల్లో అడుగు పెట్టి విదేశీయులను కూడా ఆకర్షిస్తున్నాయి. అయితే మన దేశంలో నేటి యువత సాంప్రదాయ దుస్తులను ధరించేందుకు పెళ్ళిళ్ళు, ఫంక్షలు, పండగలు ఎంచుకుంటుంది. తాజాగా ఒక కాలేజీకి చెందిన స్టూడెంట్స్ భారతీయ సంప్రదాయాన్ని కనుల ముందుకు తీసుకుని వచ్చారు.
కాలేజీ స్టూడెంట్స్ చీర, దోతీలను ధరించి అందమైన సీతాకోక చిలుకల్లా మెరుస్తున్న విద్యార్థులు కాలేజీకి వచ్చారు. అది కూడా ట్రాక్టర్లు, చక్రాల బండ్లలో పాఠశాల నుండి కళాశాలకు ప్రవేశం చేశారు. నేటి విద్యావిధానంలో మార్పు రావాలి అని అందరూ వ్యాఖ్యానిస్తున్న నేపధ్యంలో కాలేజీలు అంటే చదువు కోసం మాత్రమే కాదు. ఆట, పాట, క్రమశిక్షణ అన్నీ ఉండాలి అని చెబుతున్నారు. వీటన్నింటితో పాటు విద్యార్థులకు భిన్నమైన కార్యక్రమాలు జరగాలి. అప్పుడే విద్యార్థులు ఆనందంగా కళాశాలకు వస్తారు. ఈ కారణంగానే కర్ణాటక ధార్వాడ్‌లోని ఓ కాలేజీ వారం రోజుల పాటు ఫన్ వీక్‌గా జరుపుకుంది. ఈ వారం చివరి రోజు పాఠశాల ఆవరణలో సంప్రదాయ వేడుకలతో కొత్త లోకాన్ని నిర్మించారు.
చేనేత ఇల్కాల్ చీరలు ధరించి నడుమకు వడ్డానం, తలకు కొంగు వేసుకుని, మెరిసే ముక్కు పుడక, చెవికి లోలాకులు ధరించి సాంప్రదాయ ఉట్టిపడేలా అందంగా రెడీ అయ్యారు యువతులు. అయితే అక్కడ అందాల పోటీలు, ఫ్యాషన్ షో లు జరగడం లేవు. అయినా అందమైన సీతాకోక చిలుకల్లా యువతలు సందడి చేశారు ధార్వాడ్‌లోని శ్రీ ఛత్రపతి శివాజీ మహారాజ్ కళాశాల ప్రాంగణంలో.
ఈ కళాశాలలోని గ్రాడ్యుయేట్ విద్యార్థుల కోసం లెక్చరర్లు వారం రోజుల పాటు ఫన్ వీక్ గా నిర్వహించారు. ప్రతిరోజు వివిధ రకాల దుస్తులు ధరించే విద్యార్థులు చివరి రోజు సంప్రదాయ దుస్తులను ధరించాలని కోరారు. ఈ నేపథ్యంలో విద్యార్థులు చొక్కాలు, లుంగీలు ధరించి రాగా, విద్యార్థినులు ఇలకల్ చీరలు కట్టుకుని వచ్చి సంబరాలు చేసుకున్నారు.
ట్రాక్టర్లు, ఎద్దుల బండిలో కళాశాలకు వచ్చిన విద్యార్థులు పండుగ వాతావరణాన్ని సృష్టించారు. అనంతరం కళాశాల ఆవరణలో సంచరించిన విద్యార్థులు పెళ్లి వాతావరణం సృష్టించారు.
విద్యార్థులు చొక్కాలు, లుంగీలు ధరించి రాగా, విద్యార్థినులు మాత్రం సంప్రదాయ దుస్తులు ధరించి వచ్చారు. పల్లెటూరి మహిళలలా కనిపించిన విద్యార్థినులు ఆవరణంతా పరుగులు తీస్తూ సంబరాలు చేసుకున్నారు.
రకరకాల ముత్యాలు, పెద్ద పెద్ద చెవిపోగులు, చేతులకు రకరకాల గాజులు, మెడలో అందమైన నగలు ధరించిన విద్యార్థినుల ఉత్సాహం చెప్పలేనిది. ప్రతిరోజూ చదువు, పాఠాలతో గడిపే విద్యార్థులకు ఇలాంటి కార్యక్రమం కొత్త తరహా అనుభూతిని ఇచ్చింది.
ఆధునిక రోజుల్లో సంప్రదాయ దుస్తులు మసకబారుతున్నాయి. మన సంప్రదాయ దుస్తులు, ఆభరణాలను తర్వాతి తరానికి కూడా పరిచయం చేయడం అనివార్యం. ఈ కారణంగానే ఈ కళాశాలలో నిర్వహించే ఈ సంప్రదాయ దినోత్సవం విద్యార్థులందరికీ కొత్త అనుభూతిని పంచిందనేది నిజం.