Hair Care Tips: టీ డికాషన్ ఇలా వాడితే.. మీ జుట్టు సమస్యలన్నీ పరార్!
చిన్న వయసులోనే చాలా మందికి విపరీతంగా జుట్టు రాలిపోతూ ఉంటుంది. అపురూపంగా చూసుకునే కురులు అకారణంగా రాలిపోవడం వల్ల చాలా మంది విపరీతంగా బాధపడిపోతుంటారు. ఇలాంటి సమస్యలకు ఇంట్లో వాడి పడేసే టీ ఆకుతో చెక్ పెట్టవచ్చని మీకు తెలుసా..? ఎలా వాడాలంటే..
నేటి వేగవంతమైన జీవనశైలిలో జుట్టు, చర్మం సంరక్షణ సవాలుతో కూడుకున్న విషయం. ముఖ్యంగా జుట్టును జాగ్రత్తగా చూసుకోకపోతే అనేక సమస్యలు తలెత్తుతాయి.
ప్రస్తుత రోజుల్లో ప్రతి ఒక్కరికి జుట్టు రాలడం అనేది ఒక పెద్ద సమస్యగా మారింది. ఎన్ని చికిత్సలు తీసుకున్నా జుట్టు రాలడం సమస్య తగ్గడం లేదు. ఇలాంటి సందర్భంలో ఇంటి నివారణల ద్వారా తేలికగా సమస్యకు చెక్ పెట్టవచ్చు.
తలస్నానం చేసిన వెంటనే వెంట్రుకలు దువ్వకూడదు. అలా చేస్తే వెంట్రుకలు తెగిపోవడం, ఎక్కువ జుట్టు రాలిపోవడం వంటి సమస్య మరింత పెరుగుతుంది. అలాగే జుట్టు దువ్వుకోవడానికి కూడా మెత్తటి బ్రిజిల్స్ ఉండే దువ్వెనను ఉపయోగించడం మంచిది.
జుట్టు పెరుగుదలకు టీ పొడిని ఎలా ఉపయోగించాలో ఇక్కడ తెలుసుకుందాం.. ముందుగా టీ తయారు చేసిన తర్వాత డికాషన్ వడకట్టాలి. ఆ తర్వాత మిగిలిపోయిన టీ ఆకులను వేడినీటిలో వేయాలి. తరువాత కొంచెంగా చల్లబరచాలి.
ఆ తర్వాత దీన్ని మీ జుట్టుకు అప్లై చేయండి. ఇది జుట్టు రాలడంతో పాటు చుండ్రు సమస్యను శాశ్వతంగా వదిలించుకోవడానికి సహాయపడుతుంది. ఇది జుట్టు సమస్యలకు ప్రయోజనకరంగా ఉంటుంది.