పల్లెటూరి ఫేమస్.. మునక్కాయ చికెన్ కర్రీ ఇలా వండి తింటే ఆహా అనాల్సిందే!
ములక్కాయ చికెన్ కూర ఎప్పుడైనా ట్రై చేసారా? ఇది ఆంధ్ర, తెలంగాణ రాష్ట్రాల్లో చాలా ఫేమస్. ఇక కొన్ని ఏరియాల్లో అయితే దీన్ని చాలా ఇష్టంగా తింటారు. వీటి కాంబోలో కలిపి వండి తింటే టేస్ట్ అదిరిపోతుంది. మరి, ఇంకెందుకు లేట్ దీనికి కావాల్సిన పదార్ధాలు, తయారీ విధానం గురించి ఇక్కడ తెలుసుకుందాం..
కావాల్సిన పదార్థాలు : 200 గ్రాముల ములక్కాయ ముక్కలు , ఒక చిన్న ఉల్లిపాయ, 500 గ్రాములు చికెన్, 4 పచ్చిమిర్చి, రెండు టొమాటోలు, ఒక టేబుల్ స్పూన్ అల్లం వెల్లుల్లి పేస్ట్, ఒక టేబుల్ స్పూన్ కారం, అర టీ స్పూన్ పసుపు, ఒక టేబుల్ స్పూన్ ధనియాల పొడి, మసాలా, నూనె, ఉప్పును తీసుకోవాలి
ముందుగా చికెన్ ను తీసుకుని ఉప్పు నీటిలో బాగా కడిగి ఒక ప్లేట్ లోకి తీసుకోవాలి. అలాగే, ములక్కాడ ముక్కలు కూడా తీసుకుని వేడి నీటిలో ఉడికించండి.
స్టవ్ వెలిగించి పాన్ పెట్టి దానిలో ఆయిల్ కొద్దిగా వేసి అది వేడి అయ్యాక పోపు గింజలు, కరివేపాకు, అల్లం వెల్లుల్లి పేస్ట్ వేసి రంగు మారే వరకు బాగా వేయించాలి.
ఇక ఇప్పుడు ఆ మిశ్రమంలో పచ్చి మిర్చి, టమోటా, ఉల్లిపాయ, చికెన్ ను వేసి కొద్దీ సేపు మూత పెట్టి మగ్గనివ్వాలి. ఆ తర్వాత ములక్కాడ ముక్కలు వేసి 10 నిముషాల పాటు అలాగే ఉడికించాలి.
చికెన్ ఉడికిన తర్వాత ఒక టీ స్పూన్ కారం, ఉప్పు, చికెన్ మసాలా పొడులు వేసి బాగా మిక్స్ అయ్యేలా తిప్పుకోవాలి. ఇక దించే ముందు కొత్తిమీర కొద్దిగా దించేయండి. అంతే వేడి వేడి ములక్కాడ చికెన్ రెడీ.