గోధుమ రవ్వ వెజిటబుల్ ఊతప్పం.. ఇలా చేసి కొబ్బరి చట్నీతో తింటే రుచి అదుర్స్
Healthy Wheat Rava Vegetable Uttapam: ఉదయం టిఫిన్స్ లో గోధుమ రవ్వ వెజిటబుల్ ఊతప్పం తినడానికి మంచి రుచిని ఇస్తుంది. అయితే, సరైన కొలతలతో వండితే అదిరిపోతోంది. ఇలా చేసి కొబ్బరి చట్నీతో తింటే రుచి అదుర్స్. ఎలా చేయాలంటే?
కావాల్సిన పదార్దాలు: ఒక కప్పు గోధుమ రవ్వ, ఒక కప్పు పెరుగు, రెండు గ్లాస్ ల నీళ్లు , ఒక పెద్ద ఉల్లిపాయ, రెండు టొమాటోలు, 4 పచ్చిమిర్చి , 6 కరివేపాకు ఆకులు , అర కట్ట కొత్తిమీర, క్యారెట్ , రుచికి తగినంత ఉప్పు, నూనెను తీసుకోవాలి.
గోధుమ రవ్వ వెజిటబుల్ ఊతప్పం ఎలా తయారు చేయాలంటే? ముందుగా ఒక గిన్నె తీసుకుని దానిలో ఒక కప్పు గోధుమ రవ్వ, ఒక కప్పు పెరుగు, రుచికి సరిపడా ఉప్పు, తగినంత నీరు పోసి దోసె పిండి లాగా జోరుగా కలుపుకోవాలి. ఇలా ఒక అర్ధ గంట పాటు దీనిని నానబెట్టాలి.
కూరగాయలను రెడీ చేసుకోవాలి: ఈ గోధుమ రవ్వ మిశ్రమంలో ఒక కప్పు తరిగిన ఉల్లిపాయ ముక్కలు, టొమాటో ముక్కలు , కట్ చేసిన పచ్చిమిర్చి, క్యారెట్ తురుము, కొత్తిమీరను వేసి మిక్స్ అయ్యేలా కలుపుకోవాలి. పిండి మరీ జోరుగా ఉండేలా కలపకండి.
ఊతప్పంలా వేయాలి: ఇక ఇప్పుడు గ్యాస్ స్టవ్ వెలిగించి దోసె పెనం పెట్టి దాని మీద ఆయిల్ వేసి పిండిని పోసి గుండ్రంగా చేసుకోవాలి.
ఊతప్పంలా కావాలి కాబట్టి కొంచం మందంగా వేసుకోవాలి. మూత పెట్టి మీడియం మంటపై 5 నిమిషాలు కాల్చాలి. ఊతప్పం బంగారు రంగులోకి మారే వరకు ఉంచి రెండు వైపులా బాగా కాల్చుకోవాలి.