గణపతి ఉత్సవాలు అయ్యాయి.. దసరా నవరాత్రి ఉత్సవాల సందడి మొదలు కానుంది. ఇప్పటికే దసరా పండగ కోసం .. సన్నాహాలు ప్రారంభమయ్యాయి. మరోవైపు దేవీ నవరాత్రులు అందంగా ఆకర్షణీయంగా కనిపించడం కోసం రెడీ అవుతూ ఉంటారు. కుటుంబ సభ్యులకు కొత్త బట్టలు, కొత్త చీరలు, ఇంటికి కొత్త కర్టెన్లు, కుషన్ కవర్లు, టేబుల్ కవర్లు ఇలా ఏదోకటి కొనుగోలు చేస్తూనే ఉంటారు. అంతేకాదు అందంగా కనిపించడానికి పార్లర్ వైపు పరుగులు తీస్తారు.
ఫేషియల్స్, టాన్ తొలగించడం, హెయిర్ కేరింగ్ వంటి వాటికోసం పార్లర్కు వెళ్తారు. అయితే ఓ వైపు పనులు చేసుకుంటూ మరోవైపు పూజకు ఏర్పాట్లు చేసుకోవడంలో తినడానికి, తాగడానికి సమయం ఉండదు. అయితే జుట్టు కోసం స్పెషల్ గా సమయం కేటాయించకుండా రాత్రి కొంచెం సమయాన్ని కేటాయించినా మంచి రిజల్ట్ లభిస్తుంది.
వాతావరణంలో వచ్చిన మార్పులు జుట్టుపై తీవ్ర ప్రభావాన్ని చూపిస్తాయి. జుట్టు చిట్లి .. పొడిగా మారి చుండ్రుతో ఉండి జుట్టు అస్సలు బాగా కనిపించదు. జుట్టు సరిగ్గా సెట్ కాకపోతే ఏ డ్రెస్ వేసుకున్నా అందంగా కనిపించదు. కనుక జుట్టు కేరింగ్ కోసం ఈ సింపుల్ చిట్కాలను అనుసరించండి.
ప్రస్తుతం మార్కెట్లో బృంగరాజ్ ఆయిల్ ఈజీగా దొరుకుతుంది. ఈ బృంగరాజ్ ఆయిల్ కు విటమిన్ ఈ ఆయిల్ మిక్స్ చేసి ఆ మిశ్రమాన్ని జుట్టుకు అప్లై చేయండి. అంతేకాదు బృంగరాజ్ ఆయిల్స్ లో కూడా రాకరకాలున్నాయి. విటమిన్లు ఇ, డి, బి కాంప్లెక్స్ ఉన్నాయి. ఇవి జుట్టుకు చాలా మంచిది ఈ హెర్బల్ ఆయిల్ లో ఐరన్, మెగ్నీషియం కూడా ఉంటాయి.
ఈ నూనెలో బయోటిన్, నియాసిన్, ఐరన్ ఉంటాయి. ఇది జుట్టు రాలడాన్ని ఆపుతుంది. వాతావరణం కారణంగా జుట్టులో వచ్చే చుండ్రుని నివారించడానికి ఈ నూనెను ఉపయోగించండి.
రాత్రి వేపకు బృంగరాజ్ నూనెను కొబ్బరి నూనెతో కలిపి ఈ నూనెతో తలకు మసాజ్ చేసుకోండి. ఈ మిశ్రమం తలలో తేమను కాపాడుతుంది. జుట్టు రాలడం తగ్గుతుంది. చుండ్రు సమస్య ఉంటే అది కూడా తొలగిపోతుంది. జుట్టు అందంగా మిలమిలా మెరుస్తూ కనిపిస్తుంది.