Gold prices hit record high: బంగారం ప్రియులకు బిగ్ షాక్.. ఆల్‌టైమ్ రికార్డ్ స్థాయికి చేరిన పసిడి ధర.. ఏకంగా..
Gold prices hit record high: బంగారం ధర ఒక్కసారిగా భగ్గుమంది. గతంలో ఎన్నడూ లేనంత స్థాయిలో పెరిగింది. రికార్డ్ స్థాయిలో పెరిగిన ధరలు చూసి కొనుగోలుదారులు బెంబేలెత్తిపోతున్నారు.
బంగారం ధర ఒక్కసారిగా భగ్గుమంది. గతంలో ఎన్నడూ లేనంత స్థాయిలో పెరిగింది. రికార్డ్ స్థాయిలో పెరిగిన ధరలు చూసి కొనుగోలుదారులు బెంబేలెత్తిపోతున్నారు.
మల్టీ కమోడిటీ ఎక్స్ఛేంజ్ (MCX)లో ఈరోజు తెల్లవారుజామున జరిగిన డీల్‌లలో బంగారం ధర పైపైకి ఎగబాకింది. కమోడిటీ మార్కెట్ ప్రారంభమైన గంటలోపే 10 గ్రాముల బంగారం ధర రూ. 61,490 లకు పెరిగి జీవితకాల గరిష్ట స్థాయిని తాకింది.
పెరుగుతున్న ద్రవ్యోల్బణాన్ని కట్టడి చేసే లక్ష్యంతో అమెరికా ‘ఫెడ్’ బుధవారం 25 బేసిస్‌ బేసిస్‌ పాయింట్లు పెంచుతూ నిర్ణయించింది. దానికి సంబంధించిన ప్రకటన వెలువడిన తరువాత బంగారం ధర ఒక్కసారిగా పెరిగింది.
యూఎస్ ‘ఫెడ్’ సమావేశం తరువాత బుధవారం అంతర్జాతీయ స్పాట్ మార్కెట్‌లో బంగారం ధర ఔన్సుకు 2081.80 డాలర్లకు చేరి కొత్త రికార్డ్ సృష్టించింది.
భారత మార్కెట్లలో ప్రస్తుతం 10 గ్రాముల బంగారం ధర రూ. 61,490($752.49) పెరిగింది. 2023 సంవత్సరంలో ఇప్పటి వరకు బంగారం ధర దాదాపు 12 శాతం పెరిగింది.
పసిడి ధరలు ఆల్‌టైమ్ రికార్డ్ స్థాయికి చేరడంతో కొనుగోలుదారులు హడలిపోతున్నారు. బంగారం కొనుగోలు చేసేదెట్లా అని సామాన్యులు వాపోతున్నారు. మన దేశంలో బంగారు ఆభరణాలకు ఉన్న ప్రాధాన్యత గురించి ప్రత్యేకంగా చెప్పనక్కర్లేదు. ఏ శుభకార్యం అయినా, బంగారం ఉండాల్సిందే అన్నట్లుగా పరిస్థితి ఉంటుంది.