Eyes Health: కళ్లు ఆరోగ్యంగా ఉండాలంటే ఈ 5 ఆహారాలు తప్పనిసరి.. ఏంటో తెలుసుకోండి..?
Eyes Health: బిజీ షెడ్యూల్, పని భారం కారణంగా నిత్యం ప్రజలు కళ్ల సమస్యలని ఎదుర్కొంటున్నారు. ఇలాంటి సమయంలో కళ్లని ఆరోగ్యంగా ఉంచే ఆహారాలు తినడం మంచిది. వాటి గురించి తెలుసుకుందాం.
చేపలు: మీరు నాన్ వెజ్ తింటే కళ్ళు ఆరోగ్యంగా ఉండటానికి చేపలను తినవచ్చు. ఇందులో ఉండే ఒమేగా-3 ఫ్యాటీ యాసిడ్స్ కళ్లకు చాలా మేలు చేస్తాయి. వీటిని తింటే కళ్లు పొడిబారే సమస్య ఉండదు.
క్యారెట్: క్యారెట్ కంటి చూపును పెంచడంలో ప్రభావవంతంగా పనిచేస్తుంది. ఇందులో ఉండే విటమిన్ ఎ, బీటా కెరోటిన్ కళ్లకు చాలా ముఖ్యమైనవి. మీరు సలాడ్, కూరగాయలు, జ్యూస్ రూపంలో కూడా క్యారెట్ తీసుకోవచ్చు.
బాదం: ఇందులో ఉండే విటమిన్ ఎ ఆరోగ్యకరమైన కణజాలాలను దెబ్బతీసే అణువుల నుంచి మనలను రక్షిస్తుంది. బాదంపప్పు తినడం వల్ల అనేక ఇతర ఆరోగ్య ప్రయోజనాలు ఉన్నాయి. రోజూ 3 నుంచి 4 నానబెట్టిన బాదంపప్పులను తింటే మంచిది.
బొప్పాయి: ఇందులో ఉండే విటమిన్ సి, యాంటీ ఆక్సిడెంట్లు కళ్లకు చాలా ముఖ్యమైనవి. ఈ రెండూ అనేక వ్యాధుల నుంచి కళ్లను రక్షిస్తాయి. బొప్పాయి తినడానికి చాలా రుచిగా ఉంటుంది కాబట్టి మీరు దానిని శిశువుకు కూడా తినిపించవచ్చు.
ఆరెంజ్: విటమిన్ సి పుష్కలంగా ఉండే ఆరెంజ్ కళ్లకు మేలు చేస్తుంది. తాజా నారింజ రసం రక్త నాళాలను ఆరోగ్యంగా ఉంచుతుంది. ఆరెంజ్‌లోని పోషకాలు కళ్లకు సంబంధించిన అనేక వ్యాధులను దూరం చేస్తాయి.