Sweaty Feet Issue: కాళ్లు.. చేతులకు బాగా చెమట పడుతుందా ? అయితే టిప్స్ ఫాలో అవ్వాల్సిందే..
Sweaty feet issue: వేసవిలో చెమట పట్టడం సాధారణం. కానీ కొంతమంది చేతులు, కాళ్ళకు బాగా చెమట పట్టే సమస్య గురించి ఎక్కువగా ఆందోళన చెందుతుంటారు. కొన్నిసార్లు పాదాలకు చెమట పట్టడం కూడా దుర్వాసనకు కారణం అవుతుంది. కొన్ని సులభమైన హోం రెమెడీస్ని అనుసరించడం ద్వారా ఈ సమస్యలను తగ్గించుకోవచ్చని పేర్కొంటున్నారు ఆరోగ్య నిపుణులు. ఆ చిట్కాలు ఏంటో ఇప్పుడు తెలుసుకుందాం.
చల్లటి నీటితో చెక్ పెట్టవచ్చు: నిపుణుల అభిప్రాయం ప్రకారం.. పాదాలు, చేతులకు బాగా చెమట పట్టే సమస్యతో బాధపడుతున్నవారు.. వాటిని 15 నిమిషాల పాటు చల్లటి నీటిలో ఉంచాలి. ఇది చాలా వరకు ఉపశమనం కలిగిస్తుంది.
రోజ్ వాటర్: దీన్ని అప్లై చేయడం వల్ల చేతులు, కాళ్లకు చల్లదనం ఇవ్వడంతోపాటు చర్మం కూడా మెరుస్తుందని పేర్కొంటున్నారు. రోజ్ వాటర్ను చేతులు, కాళ్ళపై రోజుకు రెండు నుంచి మూడు సార్లు స్ప్రే చేయాలి.
ఆరెంజ్ పౌడర్: ఆరెంజ్ పదార్థాల తొక్కలను ఎండబెట్టి వాటితో పొడిని తయారు చేయాలి. ఈ పొడిని పాదాలకు, చేతులకు క్రమం తప్పకుండా రాయండి. నిపుణుల అభిప్రాయం ప్రకారం ఈ పొడి చాలా ప్రభావవంతంగా ఉంటుంది.
యాపిల్ సైడర్ వెనిగర్: వేసవిలో చేతులు, కాళ్ళకు చెమట పట్టే సమస్య ఉంటే.. ఆపిల్ సైడర్ వెనిగర్ ఉపయోగించడం మంచిది. దీని కోసం నీటిలో ఆపిల్ సైడర్ వెనిగర్ కలిపి.. కాళ్లు, చేతులు అందులోనే కాసేపు ఉంచాలి.
టాల్కమ్ పౌడర్: పాదాలకు చెమట పట్టే సమస్య చాలా సార్లు పెరుగుతుంది. బూట్లు తీసిన తర్వాత వారి పాదాల నుంచి దుర్వాసన వస్తుంది. అటువంటి పరిస్థితిలో వారు టాల్కమ్ పౌడర్ వాడటం మంచింది. అయితే దానిని ఉపయోగించే ముందు నిపుణుల సలహా తీసుకోండి.
ఈ హోం రెమెడీస్ని అనుసరించడం ద్వారా కాళ్లకు, చేతులకు చెమట పట్టే సమస్యను చాలా వరకు తగ్గించుకోవచ్చని ఆరోగ్య నిపుణులు పేర్కొంటున్నారు.