Fertility Yoga: ఎన్ని రకాలుగా ప్రయత్నించినా గర్భం దాల్చడంలో స్త్రీలకు సమస్యలా.. ఈ యోగా ఆసనాలు ట్రై చేయండి..
ప్రతి స్త్రీ జీవితంలో తల్లి కావాలని కోరుకుంటారు. అయితే నేడు మారుతున్న జీవనశైలి కారణంగా చాలా మంది మహిళలు ఈ ఆనందానికి దూరమవుతున్నారు. తల్లి కావడానికి అనేక రకాల చికిత్సలతో పాటు IVF సహాయం తీసుకోవాల్సిన పరిస్థితి ఏర్పడింది. అయితే ఇవి కూడా ఒకొక్కసారి పని చేయవు. కొంతమంది సమాజంలో అనేక విమర్శలను కూడా ఎదుర్కోవాల్సి వస్తుంది. అయితే యోగా సహాయంతో మహిళలు ఈ సమస్యను అధిగమించవచ్చు. దీని గురించి నిపుణుల చెప్పిన విషయాలను గురించి తెలుసుకుందాం..
డాక్టర్ చంచల శర్మ, ఆశా ఆయుర్వేద డైరెక్టర్, గైనకాలజిస్ట్ మాట్లాడుతూ వంధ్యత్వ సమస్యను క్రమం తప్పకుండా యోగా సాధన ద్వారా నియంత్రించవచ్చని పేర్కొన్నారు. దీని కోసం IVF చేయించుకున్న చాలా మంది రోగులు కూడా వస్తారని చెప్పారు. అయితే ఆయుర్వేద చికిత్స, యోగా సహాయంతో సహజంగా గర్భం దాల్చడంలో విజయం సాధించారు. యోగాసనం మీ సంతానోత్పత్తిని నేరుగా ప్రభావితం చేయదు.. బదులుగా ఇది అన్ని చికిత్సా ప్రక్రియలతో పాటు పనిచేస్తుంది.
సంతానోత్పత్తిపై రెగ్యులర్ యోగా ప్రభావం : క్రమం తప్పకుండా యోగా చేయడం వల్ల హార్మోన్లు సమతుల్యంగా ఉంటాయి. యోగా సాధన మనస్సును ప్రశాంతపరుస్తుంది. శరీరం, మనస్సు మధ్య సమతుల్యతను కాపాడుతుంది. వంధ్యత్వానికి ఒత్తిడి కూడా ఒక ప్రధాన కారణం. అయితే యోగా చేయడం వల్ల ఒత్తిడి తగ్గుతుంది. ఏ యోగాసనాలు చేయాలంటే..
బద్ధకోనాసనం: దీనిని సీతాకోకచిలుక భంగిమ అని కూడా అంటారు. ఈ యోగా ఆసనం రెగ్యులర్ గా అభ్యాసం చేయడం వలన తొడలు, కటి కండరాలను సాగదీస్తుంది. ఇది పునరుత్పత్తి అవయవాల రక్త ప్రసరణను పెంచుతుంది. ముఖ్యంగా ఈ యోగాభ్యాసం మహిళలకు ఎంతో మేలు చేస్తుంది.
పశ్చిమోత్తనాసనం: ఈ యోగాసనం బొడ్డు కొవ్వును కూడా తగ్గిస్తుంది. కనుక దీని రెగ్యులర్ అభ్యాసంతో శరీర బరువును నియంత్రించవచ్చు.
బాలసనా (పిల్లల భంగిమ): ఈ యోగాసనాన్ని గర్భం దాల్చడానికి ముందు.. గర్భధారణ సమయంలో కూడా చేయవచ్చు.
సూర్య నమస్కారం: పీరియడ్స్ సమయంలో తీవ్రమైన నొప్పితో బాధపడే మహిళలకు ఈ యోగాసనం ఒక వరం, ఇది నొప్పిని తగ్గిస్తుంది.
ఆహారం విషయంలో కూడా శ్రద్ధ వహించాలి. సంతానలేమి సమస్య రాకుండా ఉండాలంటే మంచి జీవనశైలితో పాటు ఆహారం విషయంలోనూ జాగ్రత్తలు తీసుకోవాలని గైనకాలజిస్ట్ డాక్టర్ సలోని అంటున్నారు. మహిళలు తమ ఆహారంలో విటమిన్లు, ప్రోటీన్లను చేర్చుకోవాలని సలహా ఇచ్చారు. ఫాస్ట్ ఫుడ్ కు దూరంగా ఉండాలి. ధూమపానం, మద్యం సేవించవద్దు.