Fenugreek Leaves: ఆకు కూరల్లో ఇది ప్రత్యేకం.. వారంలో రెండు సార్లు తింటే ఏమౌతుందో తెలుసా..?
ఆకు కూరలు ఆరోగ్యానికి ఎంతో మేలు చేస్తాయని అందరికీ తెలిసిందే. ఓ మ్యాజిక్‌లా పని చేసే ఆద్భుతమైన శక్తి ఆకు కూరలకు ఉంటుందని ఆరోగ్య నిపుణులు చెబుతున్న మాట. పైగా ఆకు కూరలు మన పరిసర ప్రాంతాల్లోనే విరివిగా లభిస్తుంటాయి. ఆకు కూరలు అనగాగనే బచ్చలికూర, తోటకూర, పాలకూర, చుక్క కూర గుర్తుకువస్తాయి. కానీ, మెంతి కూర కూడా ఆరోగ్యానికి ఔషధంగా పనిచేస్తుందని నిపుణులు చెబుతున్నారు. ఆరోగ్యపరంగా మెంతికూర అద్భుతమైంది. మెంతికూర తింటే శరీరంలో ఎన్ని మార్పులు కలుగుతాయో ఇక్కడ తెలుసుకుందాం..
మెంతులు ఆరోగ్యానికి ఎంత మంచివో మెంతి కూర కూడా అంతే ప్రయోజనకరమైంది. అందుకే మెంతి కూరను వారంలో కనీసం రెండుసార్లైనా తినాలని చెబుతున్నారు ఆరోగ్య నిపుణులు. ముఖ్యంగా ఈ చలికాలంలో మన శరీరాన్ని వేడిగా ఉంచుకోవాలి. దీని వల్ల ఇమ్యూనిటీ పెరిగి హెల్దీగా ఉంటాం. మెంతికూర తినడం వల్ల శరీరంలో వేడి పెరుగుతుంది. ఇందులో బాడీకి అవసరమైన విటమిన్స్, ఖనిజాలు, ఫైబర్ అందుతుంది.
మెంతికూరలో ఉండే కాల్షియం, మెగ్నీషియం, విటమిన్ డి, ఫైబర్ కారణంగా ఆరోగ్యం మెరుగుపడుతుంది. ముఖ్యంగా గుండె ఆరోగ్యాన్ని కాపాడుతుంది. మెంతికూరను తరచూ డైట్‌లో భాగంగా చేసుకోవటం వల్ల శరీరంలో ఉండే చెడు కొలెస్ట్రాల్ సులభంగా కరుగుతుంది. ఇందులో ఉండే ఫైబర్ కారణంగా వారంలో రెండు సార్లు మెంతి కూర తినడం వల్ల జీర్ణక్రియ మెరుగుపడుతుంది. అజీర్తి, కడుపు నొప్పి, గ్యాస్ సమస్యలతో బాధపడేవారికి ఇది అద్భుతంగా పనిచేస్తుంది.
మెంతికూరలో ఉండే అధిక ఫైబర్ వల్ల ఎక్కువ సమయం కడుపు నిండినట్టుగా ఉంటుంది. దాంతో బరువు తగ్గించేందుకు అద్భుతంగా ఉపయోగపడుతుంది. అంతేకాకుండా మధుమేహం వ్యాధిగ్రస్థులకు మెంతి కూర దివ్యౌషధంగా భావిస్తారు. రక్తంలో చక్కెర స్థాయిని మెంతి ఆకులు అద్భుతంగా తగ్గిస్తాయి. టైప్ 2 డయాబెటిస్ వ్యాధిగ్రస్థులకు చాలా బాగా పనిచేస్తుందని ఆరోగ్య నిపుణులు చెబుతున్నారు.
మెంతి కూరలోని పోషకాలు శరీరంలోని విష పదార్ధాలను బయటకు పంపించడంలో దోహదం చేస్తాయి. దాంతో చర్మం ఆరోగ్యంగా ఉంటుంది. ఇందులో ఉండే పోషకాలు చర్మంపై ముడతల్ని దూరం చేస్తాయి. చర్మాన్ని యౌవనంగా ఉంచుతాయి. స్వభావరీత్యా మెంతి కూర వేడి చేస్తుంది.
ముఖ్యంగా మహిళలు ఎదుర్కొనే శరీరంలో హార్మోన్ బ్యాలెన్స్ చేయడంలో మెంతికూర అద్భుతంహగా పనిచేస్తుంది. పీరియడ్స్ సమస్యల్లో కూడా మెంతికూర ఉపశమనం కల్గిస్తుంది. నెలసరి సమయంలో వచ్చే నొప్పులు, తిమ్మరి సమస్యలకు చెక్ పెడుతుంది మెంతికూర.