హాలీడేస్లో పిల్లలకు బెస్ట్ స్నాక్స్.. 5 నిమిషాల్లో రెడీ చేసే పోషకాల లడ్డు ఇదే!
సమ్మర్ వచ్చిందంటే చాలు ఇంటిలో పిల్ల సందడి, అల్లరి మాములుగా ఉండదు. ఇక వారు రోజు మొత్తం ఆటలు ఆడుతూ, అలసి పోతుంటారు. అలాగే ఏదైనా స్పెషల్ స్నాక్స్ తినాలనే ఇంట్రస్ట్ చూపిస్తారు. అయితే మీ పిల్లలకు కూడా మీరు మంచి పోషకాలను ఇచ్చే స్వీట్ ఏదైనా చేసి పెట్టాలి అనుకుంటున్నారా? అయితే మీ కోసమే ఈ అద్భతమైన టేస్టీ రిసిపీ.ఇలా ఒక లడ్డూ చేసి పెడితే చాలు పిల్లలు ఇష్టంగా తింటారు.
ఈ మధ్య కాలంలో చాలా మంది పిల్లలు బాలామృతం తినడానికి ఇష్టం చూపడం లేదు. అయితే మీ ఇంటిలో గనుక చిన్న పిల్లలు ఉండి వారు బాలామృతం తినకపోతే, దానితో ఇలా లడ్డు చేసి పెడితే, పిల్లలు అందరూ ఇష్టంగా తింటారు. అంతే కాకుండా దీనిలో పోషకాలు కూడా పుష్కలంగా ఉండటం వలన ఇది ఆరోగ్యానికి చాలా మేలు చేస్తుంది.
బాలామృతం లడ్డూ తయారు చేయాడానికి కావాల్సి పదార్థాలు : బాలామృతం పిండి, రెండు లేదా మూడు కప్పులు, బెల్లం రెండు కప్పులు, నెయ్యి అర కప్పు, యాలకుల పొడి, జీడి పప్పు.
తయారీ విధానంలోకి వెళితే.. బాలామృతం మూడు కప్పులు తీసుకోవాలి. తర్వాత స్టవ్ ఆన్ చేసి పాన్ పెట్టి, అందులో రెండు లేదా మూడు స్పూన్స్ నెయ్యి వేసి, పిండిని మాడిపోకుండా దోరగా వేయించాలి. ఇప్పుడు వేగిన పిండిలో బెల్లం పొడి, యాలకుల పొడి వేసి బాగా కలపాలి.
ఇవి బాగా కలిపిన తర్వాత నెయ్యిని వేడి చేసి, ఈ పొడిలో వేయాలి. తర్వాత చేతితో మెల్లి మెల్లిగా కలుపుతూ వీటిని లడ్డూల్లా చుట్టుకోవాలి. కాస్త గోరు వెచ్చగా ఉన్న సమయంలోనే లడ్డూల్లా చుట్టుకోవడం వలన అవి విరిగిపోకుండా బాగా మంచి ఆకారంలో వస్తాయి. తర్వాత వీటిపై వేయించిన జీడిపప్పు పెట్టేసుకోవాలి.
అంతే టేస్టీ టేస్టీ బాలామృతం లడ్డూ రెడీ, ఇది ఆరోగ్యానికి చాలా మంచిది. పిల్లలు దీనిని నేరుగా తినకపోయినా లడ్డూలా చేసి పెడితే ఇష్టంగా తింటారు. అంతే కాకుండా ఇంటిలో ఉన్న పిల్లలందరి కీ ఇది స్నాక్లా అందించవచ్చును. మరి ఇంకెందుకు ఆలస్యం మీరు కూడా ఈ లడ్డూ ట్రై చేయండి.