Dust Allergy Diet Tips: మీకూ డస్ట్ అలర్జీ ఉందా? గ్రీన్ టీ, నిమ్మ, పెరుగు, వాల్‌నట్స్‌ తిన్నారంటే..
దుమ్ము, ధూళిని ఊపుతూ ఇంటిని శుభ్రం చేస్తున్నప్పుడు తుమ్ములు, దగ్గులు మొదలయ్యాయా? కొద్దిపాటి డస్ట్‌కే తుమ్ములు ముంచెత్తుతున్నాయా?ఇది డస్ట్ అలర్జీ కావచ్చు. డస్ట్ అలర్జీ వల్ల చర్మంపై దద్దుర్లు, దురద కూడా రావచ్చు. ఇంట్లోని దుమ్ము మాత్రమే కాదు, వీధిలోంచి వెలువడే వాహనాల పొగలు, దుమ్ము, ఇసుక వల్ల కూడా తుమ్ములు, దగ్గులు వస్తాంటాయి. ఈ రోజుల్లో చాలా మంది ఈ డస్ట్ అలర్జీ సమస్యతో బాధపడుతున్నారు. శరీరంలో రోగ నిరోధక శక్తి తక్కువగా ఉన్నప్పుడు..
దుమ్ము, ధూళిని ఊపుతూ ఇంటిని శుభ్రం చేస్తున్నప్పుడు తుమ్ములు, దగ్గులు మొదలయ్యాయా? కొద్దిపాటి డస్ట్‌కే తుమ్ములు ముంచెత్తుతున్నాయా?ఇది డస్ట్ అలర్జీ కావచ్చు. డస్ట్ అలర్జీ వల్ల చర్మంపై దద్దుర్లు, దురద కూడా రావచ్చు. ఇంట్లోని దుమ్ము మాత్రమే కాదు, వీధిలోంచి వెలువడే వాహనాల పొగలు, దుమ్ము, ఇసుక వల్ల కూడా తుమ్ములు, దగ్గులు వస్తాంటాయి. ఈ రోజుల్లో చాలా మంది ఈ డస్ట్ అలర్జీ సమస్యతో బాధపడుతున్నారు. శరీరంలో రోగ నిరోధక శక్తి తక్కువగా ఉన్నప్పుడు అలర్జీ సమస్యలు పెరుగుతాయి. కాబట్టి కేవలం దుమ్మును నివారించడం వలన మాత్రమే ఈ సమస్య పరిష్కారం కాదు. వైద్యుల సలహా కూడా తీసుకోవాలి. అలాగే రోగ నిరోధక శక్తిని పెంచుకోవడానికి కొన్ని ప్రత్యేకమైన ఆహారాలను తీసుకోవాలి.
గ్రీన్ టీ.. చాలా మంది టీ, కాఫీలకు అలవాటు పడుతున్నారు. ముఖ్యంగా టీ లేకుండా ఉదయం లేవవడం కొందరికి దాదాపు అసాధ్యంగా మారుతుంది. సాధారణ టీ లేదా కాఫీకి బదులుగా గ్రీన్ టీ తాగితే ఇందులోని యాంటీ ఆక్సిడెంట్లు అలర్జీ సమస్యలతో పోరాడుతాయి. కాబట్టి రోజుకు కనీసం 2-3 కప్పుల గ్రీన్ టీ తాగడం అలవాటు చేసుకోవాలి.
పెరుగు.. రోజూ పెరుగు లేదా మజ్జిగ తాగడం వల్ల.. వీటిల్లో ఉండే ప్రోబయోటిక్ కంటెంట్ వివిధ వ్యాధికారక క్రిములతో పోరాడి శరీరంలో రోగనిరోధక శక్తిని పెంచుతుంది. ఫలితంగా దుమ్ము, ఇసుక అలర్జీ సమస్య కాస్త తగ్గుతుంది.
నిమ్మకాయలు వంటి సిట్రస్ పండ్లలో విటమిన్-సి పుష్కలంగా ఉంటుంది. ఇది రోగనిరోధక శక్తిని పెంచడంలో సహాయపడుతుంది. కాబట్టి డస్ట్ అలర్జీ సమస్యకు దూరంగా ఉండాలంటే ప్రతిరోజూ నిమ్మ, చింతపండు, సిట్రస్ పండ్లను తినాలి.
డ్రై ఫ్రూట్స్.. నట్స్‌లో ప్రోటీన్ పుష్కలంగా ఉంటుంది. ఇది రోగనిరోధక శక్తిని పెంచడంలో కూడా సహాయపడుతుంది. మీకూ డస్ట్ అలర్జీ ఉంటే బాదం, వాల్‌నట్‌లు, జీడిపప్పు వంటి వివిధ రకాల డ్రై ఫ్రూట్స్‌ని తినాలి.