Drumsticks: జ్ఞాపక శక్తిని రెట్టింపు చేసే పోషకాల మునగ.. తింటున్నారా?
ప్రొటీన్లు, విటమిన్లు వంటి ఆరోగ్యానికి మేలు చేసే పోషకాలు పుష్కలంగా ఉండే మునగ ఆహారంలో తప్పనిసరిగా తీసుకోవాలి. ముఖ్యంగా మూడు పదులు దాటిన మహిళల్లో ఎముక సాంద్రతకు, ఎదిగే పిల్లల్లో ఎముకల బలానికి మునగ ఎంతో తోడ్పడుతుంది. అందుకే రోజువారీ ఆహారంలో మునగాకు, మునక్కాయలను చేర్చుకుంటే శరీరానికి కావలసినంత క్యాల్షియం అందుంతుందంటున్నారు ఆరోగ్య నిపుణులు..
ప్రొటీన్లు, విటమిన్లు వంటి ఆరోగ్యానికి మేలు చేసే పోషకాలు పుష్కలంగా ఉండే మునగ ఆహారంలో తప్పనిసరిగా తీసుకోవాలి. ముఖ్యంగా మూడు పదులు దాటిన మహిళల్లో ఎముక సాంద్రతకు, ఎదిగే పిల్లల్లో ఎముకల బలానికి మునగ ఎంతో తోడ్పడుతుంది. అందుకే రోజువారీ ఆహారంలో మునగాకు, మునక్కాయలను చేర్చుకుంటే శరీరానికి కావలసినంత క్యాల్షియం అందుంతుందంటున్నారు ఆరోగ్య నిపుణులు.
ఇది శరీరంలోని అదనపు కొవ్వును కూడా తగ్గిస్తుంది. మినరల్, విటమిన్ కంటెంట్‌కు ప్రసిద్ధి చెందిన మునగ కాడలలో యాంటీఆక్సిడెంట్లు పుష్కలంగా ఉంటాయి. అయితే మునగ ఆకులలో ఫైటేట్స్ అనే ఒక రకమైన యాంటీ న్యూట్రియంట్ పుష్కలంగా ఉంటుంది. అవి శరీరానికి అవసరమైన ఖనిజాలను గ్రహించడంలో సహాయపడతాయి.
మునగ రక్తపోటును కూడా నియంత్రిస్తుంది. ఇందులోని ఐసోథియోసైనేట్, నియాజిమినిన్ వంటి సమ్మేళనాలు ధమనులు గట్టిపడకుండా నివారిస్తాయి. ఫలితంగా స్ట్రోక్, గుండెపోటు ప్రమాదం నుంచి కాపాడుతుంది.
ఆలోచనా శక్తిని పెంపొందించడంలో, మానసిక స్థితిని మెరుగుపరచడంలో మునగలోని పోషకాలు ప్రధాన పాత్ర పోషిస్తాయి. బరువు తగ్గడంలోనూ మునగ ఎంతో ఉపయోగపడుతుంది. కాబట్టి ఈ కూరగాయలను ఆహారంలో తప్పనిసరిగా తీసుకోవాలి.
మునగ కాయలు చర్మం, జుట్టుకు కూడా మంచిది. శరీరంలో రక్తప్రసరణను నిర్వహించడానికి సహాయపడుతుంది. ఆరోగ్యకరమైన చర్మం, జుట్టుకు మేలు చేసే సహజ డిటాక్సిఫైయర్‌లుగా వీటిని ఉపయోగించవచ్చు. మెదడు ఆరోగ్యాన్ని కాపాడుకోవడంలో కూడా ముఖ్యమైన పాత్ర పోషిస్తాయి. జ్ఞాపకశక్తి నాణ్యతను మెరుగుపరుస్తుంది.