Health Tips: పరగడుపున ఈ పానీయాలు తాగండి.. బెల్లీ ఫ్యాట్‌ తగ్గించుకోండి..!
Health Tips: మీరు బరువు తగ్గాలనుకుంటే రోజంతా శక్తిని నింపే పానీయాలని ఎంచుకోవాలి. దీని కోసం కొన్ని డ్రింక్స్‌ గురించి తెలుసుకోండి.
మీరు బరువు తగ్గాలనుకుంటే రోజంతా శక్తిని నింపే పానీయాలని ఎంచుకోవాలి. దీని కోసం కొన్ని డ్రింక్స్‌ గురించి తెలుసుకోండి.
బరువు తగ్గడానికి నిమ్మకాయ గ్రేట్‌గా పనిచేస్తుంది. నిమ్మ నీళ్లలో తేనె మిక్స్ చేస్తే ఫలితం ఇంకా మెరుగ్గా ఉంటుంది. పరగడుపున నిమ్మరసంలో తేనె కలిపి తాగాలి. దీంతో బరువు త్వరగా తగ్గుతారు.
ఒక గ్లాసు గోరువెచ్చని నీటిలో ఒక టీస్పూన్ యాపిల్ సైడర్ వెనిగర్ మిక్స్ చేసి తాగాలి. ఈ డ్రింక్ బెల్లీ ఫ్యాట్‌ను తొలగించడంలో ఎఫెక్టివ్‌గా పనిచేస్తుంది. పరగడుపున ఈ పానీయం చెడు కొలెస్ట్రాల్‌ను తగ్గిస్తుంది. అధిక రక్తపోటును నియంత్రిస్తుంది.
పరగడుపున జీలకర్ర నీటిని తాగడం వల్ల శరీరంలోని వ్యర్థ పదార్థాలు తొలగిపోతాయి. అదనంగా ఈ పానీయం జీర్ణక్రియకు సహాయపడుతుంది. ఉదయాన్నే ఈ డ్రింక్ తాగితే కొవ్వు తగ్గుతుంది. రక్తంలో చక్కెర స్థాయిలు అదుపులో ఉంటాయి.
మీరు బరువు తగ్గడానికి సోంపు నీరు కూడా తాగవచ్చు. వేసవిలో పరగడుపున ఈ నీటిని తాగడం వల్ల రోజంతా ఉల్లాసంగా ఉంటారు. ఈ పానీయం కడుపుని చల్లగా ఉంచుతుంది.
మీరు బెల్లీ ఫ్యాట్‌ని తగ్గించాలనుకుంటే గ్రీన్ టీతో రోజును ప్రారంభించడం ఉత్తమం. ఈ టీలో విటమిన్-సి, యాంటీ ఆక్సిడెంట్లు పుష్కలంగా ఉంటాయి. ఇది వ్యాధి నిరోధకతని పెంచడానికి పనిచేస్తుంది. అదనంగా గ్రీన్ టీ జీవక్రియను పెంచుతుంది. ఇది బరువు తగ్గడానికి సహాయపడుతుంది.