Foods for Constipation: రాత్రి భోజనంలో వీటిని తిన్నారంటే తెల్లారేసరికి కడుపు క్లీన్.. ఏమేం తినాలంటే!
ఉదయం పూట కడుపు శుభ్రంగా క్లీన్ కాకపోతే రోజంతా గందరగోళంగా ఉంటుంది. మలవిసర్జన చేసే సమయంలో ఎక్కువ ఒత్తిడి చేయాల్సి ఉంటుంది. ఇలా అధిక సమయం బాత్రూమ్లో గడపడం వల్ల సమయం వృధాగా గడిచిపోతుంది. ఈ పరిస్థితి నుంచి బయటపడాలంటే డైట్ ఒక్కటే మార్గం. ఆహారంలో ఎక్కువ ఫైబర్ తీసుకుంటే మలబద్ధకం సమస్య నుంచి సులువుగా బయటపడొచ్చు. కొవ్వు, కారంగా ఉండే ఆహారాలకు దూరంగా ఉండాలి. మలబద్ధకాన్ని నివారించడానికి పుష్కలంగా నీరు త్రాగాలి..
ఉదయం పూట కడుపు శుభ్రంగా క్లీన్ కాకపోతే రోజంతా గందరగోళంగా ఉంటుంది. మలవిసర్జన చేసే సమయంలో ఎక్కువ ఒత్తిడి చేయాల్సి ఉంటుంది. ఇలా అధిక సమయం బాత్రూమ్లో గడపడం వల్ల సమయం వృధాగా గడిచిపోతుంది. ఈ పరిస్థితి నుంచి బయటపడాలంటే డైట్ ఒక్కటే మార్గం. ఆహారంలో ఎక్కువ ఫైబర్ తీసుకుంటే మలబద్ధకం సమస్య నుంచి సులువుగా బయటపడొచ్చు. కొవ్వు, కారంగా ఉండే ఆహారాలకు దూరంగా ఉండాలి. మలబద్ధకాన్ని నివారించడానికి పుష్కలంగా నీరు త్రాగాలి. అంతేకాకుండా ఈ కింది 5 ఆహారాలను క్రమం తప్పకుండా తినాలి. ఈ చిన్న చిన్న డైట్ టిప్స్ పాటిస్తే మల విసర్జనకు ఇబ్బంది ఉండదు.
యాపిల్స్ లో ఫైబర్ పుష్కలంగా ఉంటుంది. యాపిల్ పీల్స్ కూడా ఫైబర్తో నిండి ఉంటాయి. యాపిల్ మలాన్ని మృదువుగా చేస్తుంది. దీంతో మల విసర్జనకు ఇబ్బంది ఉండదు. పొట్ట కూడా క్లీన్ అవుతుంది. పిల్లలకు మలబద్ధకం సమస్య ఉంటే యాపిల్స్ తినిపించండి.
అవిసె గింజల వల్ల వచ్చే ఎన్నో ప్రయోజనాలలో మలబద్ధకాన్ని నివారించడం కూడా ఒకటి. 1 టీస్పూన్ ఫ్లాక్స్ సీడ్స్లో 2.7 గ్రాముల ఫైబర్ ఉంటుంది. అవిసె గింజలు నానబెట్టిన నీటిని తాగడం వల్ల మలవిసర్జన సులభంగా జరుగుతుంది. హేమోరాయిడ్స్ ప్రమాదాన్ని కూడా తగ్గించవచ్చు. అవిసె గింజల మాదిరిగానే చియా గింజల్లో కూడా ఫైబర్తో అధికంగా ఉంటుంది. 1 స్పూన్ చియా గింజల్లో 9.75 గ్రాముల ఫైబర్ ఉంటుంది. ప్రతిరోజూ రాత్రి పడుకునే ముందు ఒక గ్లాసు నీటిలో నానబెట్టిన చియా గింజలను తాగితే మరుసటి రోజు ఉదయం కడుపును శుభ్రం చేస్తుంది.
మీ రోజువారీ ఆహారంలో ఒక గిన్నె పప్పులను చేర్చుకోవాలి. పప్పులు అన్నంలో తినడం వల్ల మలబద్ధకం సమస్య రాకుండా చూసుకోవచ్చు. 1/2 కప్పు వండిన పప్పులో 7.8 ఫైబర్ ఉంటుంది. పప్పులో పోషకాలు కూడా పుష్కలంగా ఉంటాయి. ఇవి రోగనిరోధక శక్తిని పెంచడంలో సహాయపడతాయి.
కూరగాయల విషయంలో రాజీ పడకూడదు. ఆకుకూరలు, గుమ్మడికాయ, బంగాళదుంపలు, పాలకూర, కరివేపాకు మొదలుకొని అన్ని రకాల కూరగాయలు ఆరోగ్యానికి మేలు చేస్తాయి. కూరగాయలలో ఫైబర్ కూడా ఉంటుంది. ఇది మలబద్ధకం నుంచి ఉపశమనం పొందడంలో ఉపయోగపడుతుంది.