Cucumber for beauty: అందానికి కీర దోసకాయ.. ముఖ సౌందర్యానికి ఇలా ఉపయోగించాలి..మెరుపు ఖాయం..!
దోసకాయ ఆరోగ్యకరమైన సూపర్ ఫుడ్. ఇందులో మంచి మొత్తంలో విటమిన్ సి పుష్కలంగా ఉంటుంది. అందువల్ల మీరు మీ ముఖానికి దోసకాయను ఉపయోగిస్తే అది మీ చర్మ కణాలను రిపేర్ చేస్తుంది. మంచి కణాల పెరుగుదలను పెంచుతుంది. దీనితో పాటు, యాంటీ ఏజింగ్ లక్షణాలు కూడా దోసకాయలో ఉన్నాయి. ఇది మీ ముఖంపై ఉండే ముడతలు, ఫైన్ లైన్లను తగ్గించడంలో సహాయపడుతుంది. దీంతో మీ ముఖం గ్లో పెరగడమే కాకుండా, వృద్ధాప్య ప్రభావాలను కూడా చాలా వరకు నియంత్రించవచ్చు. తద్వారా మీకు ఆరోగ్యకరమైన, యవ్వన, మృదువైన చర్మాన్ని అందిస్తుంది. అయితే, కీరదోసకాయను ముఖానికి ఎలా ఉపయోగించాలో ఇక్కడ తెలుసుకుందాం..
మార్కెట్‌లో లభించే కెమికల్‌ ఆధారిత ఫేషియల్‌ ఉత్పత్తులకు బదులుగా ఇంట్లో లభించే దోసకాయ సహాయంతో మీ ముఖ చర్మాన్ని సంరక్షించుకోవచ్చు. చర్మాన్ని యవ్వనంగా ఉంచుకోవడం కోసం కీరదోసతో పలు రకాల ఫేస్ ప్యాక్‌లను తయారు చేసుకోవచ్చు. అందులో భాగంగా, కీరదోస, అలోవెరా జెల్‌తో ఫేస్‌ప్యాక్‌ అద్భుతంగా పనిచేస్తుంది. ఇందులో విటమిన్ ఎ, విటమిన్ సి , విటమిన్ బి ఉన్నాయి. ఇవి చర్మానికి సమృద్ధిగా పోషణను అందిస్తాయి. ఇందులో ఉండే యాంటీ ఆక్సిడెంట్ గుణాలు చర్మాన్ని హైడ్రేట్ గా ఉంచడంలో సహాయపడుతుంది.
కీరదోసకాయలో ఉండే యాంటీఆక్సిడెంట్లు చర్మానికి తేమను అందించడంలో సహాయపడతాయి. ఇందులో ఉండే ఎలిమెంట్స్ చర్మాన్ని డీప్ క్లీనింగ్ చేయడంలో సహాయపడతాయి. ఇందులో ఉండే మినరల్స్ , యాంటీ ఆక్సిడెంట్ ఎలిమెంట్స్ ముఖంపై రంధ్రాల పరిమాణం పెరగకుండా నిరోధించడంలో సహాయపడతాయి. అలోవెరా జెల్ లో ఉండే యాంటీ బ్యాక్టీరియల్ గుణాలు చర్మాన్ని అన్ని రకాల స్కిన్ ఇన్ఫెక్షన్ల నుండి రక్షిస్తుంది.
ముందుగా ఒక గిన్నెలో దోసకాయ తొక్క తీసి బాగా రుబ్బుకోవాలి. కలబంద నుండి ఆకులను పగలగొట్టి అందులో ఉండే జెల్‌ను తీయండి. ఈ రెండింటినీ బాగా కలపాలి. సుమారు 25 నిమిషాల పాటు ముఖంపై అప్లై చేసి వదిలేయండి. ఆ తరువాత, శుభ్రమైన నీటితో కడిగేసుకోవాలి. మీరు ఈ ఫేస్ ప్యాక్‌ని వారానికి 3 సార్లు ప్రయత్నించవచ్చు. దీన్ని నిరంతరం ఉపయోగించడం ద్వారా, మీ ముఖ చర్మం కొన్ని రోజుల్లో యవ్వనంగా , ప్రకాశవంతంగా కనిపిస్తుంది. మీ అందం కూడా రెట్టింపు అవుతుంది.
చర్మంపై మంటగా ఉండి, నీరసంగా కనిపిస్తే కీరదోస ఫేస్‌ప్యాక్‌ చాలా మంచిది. వేడి కారణంగా చర్మం పొడిబారినట్లు అనిపిస్తే, దోసకాయను పేస్ట్ చేసి అందులో పెరుగు కలపండి. ఈ ఫేస్ ప్యాక్ ను ముఖంపైనే కాకుండా మెడపై కూడా అప్లై చేయండి. ఇది చర్మ రంధ్రాలను బిగుతుగా చేయడంతో పాటు హైడ్రేట్ చేస్తుంది. దీని వల్ల చికాకు పోయి ముఖంపై మెరుపు కనిపిస్తుంది.
దోసకాయ టోనర్ చేయడానికి, ముందుగా దోసకాయను తురుముకుని దాని రసాన్ని తీయండి. ఇప్పుడు ఈ రసంలో రోజ్ వాటర్ కలపండి. మీ టోనర్ సిద్ధమైనట్టే. దీన్ని బాటిల్‌లో నింపి ఫ్రిజ్‌లో ఉంచి రోజూ ముఖానికి పట్టించాలి.
దోసకాయ, గ్రీన్ టీ టోనర్ చేయడానికి, దోసకాయ తురుము నుండి రసం తీయండి. ఇప్పుడు దానికి గ్రీన్ టీ, నిమ్మరసం వేసి బాగా మిక్స్ చేసి స్ప్రే బాటిల్ లో నింపి ఫ్రిజ్ లో పెట్టాలి. మీరు గ్రీన్ టీకి బదులుగా పుదీనాను కూడా ఉపయోగించవచ్చు.