28 ఫోర్లు, 2 సిక్సర్లు.. తృటిలో డబుల్ సెంచరీ మిస్.. 4 మ్యాచ్ల్లో 4 శతకాలతో భారత ప్లేయర్ దూకుడు..
ఈ ఏడాది ప్రారంభంలో అండర్-19 ప్రపంచకప్లో భారత్ను ఛాంపియన్గా నిలిపిన తర్వాత, యువ కెప్టెన్ యశ్ ధుల్ తన రంజీ ట్రోఫీ అరంగేట్రంలోనే సెంచరీ కొట్టాడు.
ప్రస్తుతం ప్రపంచ క్రికెట్లో అత్యంత చర్చనీయాంశం ఒక్క ఇన్నింగ్స్పైనే ఉంది. అది విరాట్ కోహ్లీ సెంచరీ అని అందరికీ తెలిసిందే. దాదాపు మూడేళ్ల నిరీక్షణ తర్వాత భారత మాజీ కెప్టెన్ విరాట్ కోహ్లీ తన కెరీర్లో 71వ సెంచరీని నమోదు చేశాడు. కోహ్లి సెంచరీ ఆనందం నుంచి భారత క్రికెట్ అభిమానులు ఇంకా బయటకురాలేదు. సహజంగానే, ఈ సెంచరీకి ముందు మిగిలిన సెంచరీల గురించి తక్కువ చర్చ ఉంటుంది. కానీ, ఇతర భారతీయ బ్యాట్స్మెన్స్ కూడా ట్రిపుల్ ఫిగర్లను చేరుకుంటున్నారు. దానికి ఒక పేరు యాడ్ అయింది. ఆ ప్లేయర్ ఎవరో తెలుసా.. యష్ ధుల్.
భారత క్రికెట్లో వర్ధమాన ఆటగాడు యశ్ ధుల్ బ్యాట్ మళ్లీ తన రంగు పులుముకుంది. తన రంజీ ట్రోఫీ కెరీర్ను అద్భుతంగా ప్రారంభించిన తర్వాత, యష్ ధుల్ దులీప్ ట్రోఫీలో కూడా తన సత్తా చాటాడు. నార్త్ జోన్కు ఆడుతున్న యష్ ఈస్ట్ జోన్తో జరిగిన తొలి ఇన్నింగ్స్లో 193 పరుగులతో అద్భుతమైన ఇన్నింగ్స్ ఆడాడు.
యష్ డబుల్ సెంచరీని కోల్పోయాడు. కానీ, 243 బంతుల్లో 28 ఫోర్లు, 2 సిక్సర్లతో అతని ఇన్నింగ్స్ ఆధారంగా, అతను ఈస్ట్పై నార్త్కు ఆధిక్యం అందించాడు. ఈ విధంగా యష్ తన నాలుగో ఫస్ట్ క్లాస్ మ్యాచ్లో నాలుగో సెంచరీ సాధించాడు. ఈ సంవత్సరం ప్రారంభంలో, యష్ తన రంజీ అరంగేట్రంలో ఢిల్లీ తరపున రెండు సెంచరీలు, డబుల్ సెంచరీని సాధించాడు.
ఢిల్లీకి చెందిన యశ్ ధుల్ ఈ ఏడాది క్రికెట్ ప్రపంచంలో తనదైన ముద్ర వేశాడు. ఈ ఏడాది ప్రారంభంలో వెస్టిండీస్లో జరిగిన అండర్-19 ప్రపంచకప్ టైటిల్ను యష్ కెప్టెన్సీలో భారత్ గెలుచుకుంది.
విశేషమేమిటంటే.. యశ్ లాగే 2018లో అండర్ -19 ఛాంపియన్ గా నిలిచిన పృథ్వీ షా కూడా అదే దులీప్ ట్రోఫీలో అద్భుత సెంచరీ సాధించాడు. నార్త్ ఈస్ట్ జోన్పై వెస్ట్ జోన్ తరపున షా 117 పరుగుల ఇన్నింగ్స్ ఆడాడు. ఈ ఇద్దరు ఆటగాళ్లు ఐపీఎల్లో ఢిల్లీ క్యాపిటల్స్లో భాగంగా ఉన్నారు.