Year Ender 2023: అంతర్జాతీయ క్రికెట్లో అత్యధిక వికెట్లు తీసిన బౌలర్లు వీరే.. టాప్-5లో ముగ్గురు భారతీయులు..
Top Bowlers In 2023: అంతర్జాతీయ క్రికెట్లో అంటే టెస్ట్, వన్డే, టీ20ల్లో 60కి పైగా వికెట్లు తీసిన బౌలర్లలో ఐదుగురు బౌలర్లు ఉన్నారు. వీరిలో ముగ్గురు భారతీయులే ఉన్నారు. వీరిలో ముఖ్యంగా రవీంద్ర జడేజా ప్రత్యర్థులను భయపెట్టి, లిస్టులో అగ్రస్థానంలో నిలిచాడు.
Top Bowlers In 2023: ఈ ఏడాది ఐదుగురు బౌలర్లు అంతర్జాతీయ క్రికెట్లో (టెస్ట్, వన్డే, టీ20) 60కి పైగా వికెట్లు తీశారు. వీరిలో ముగ్గురు భారతీయులు ఉన్నారు. పూర్తి జాబితాను ఇప్పుడు చూద్దాం..
2023లో అంతర్జాతీయంగా అత్యధిక వికెట్లు తీసిన బౌలర్ రవీంద్ర జడేజా. ఈ ఏడాది జడేజా 35 మ్యాచుల్లో మొత్తం 66 వికెట్లు పడగొట్టాడు. అతని బౌలింగ్ సగటు 23.74లుగా నిలిచింది.
కుల్దీప్ యాదవ్ ఇక్కడ నంబర్ 2 స్థానంలో ఉన్నాడు. ఈ ఏడాది 39 అంతర్జాతీయ మ్యాచ్లు ఆడి 63 వికెట్లు తీశాడు చైనామన్. ఈ సమయంలో, కుల్దీప్ 18.85 సగటుతో బౌలింగ్ చేశాడు.
ఆస్ట్రేలియా ఫాస్ట్ బౌలర్ మిచెల్ స్టార్క్ ఇక్కడ మూడో స్థానంలో కొనసాగుతున్నాడు. ఈ ఏడాది కేవలం 23 అంతర్జాతీయ మ్యాచ్లు ఆడి 63 వికెట్లు తీశాడు. స్టార్క్ బౌలింగ్ సగటు 29.77లుగా నిలిచింది.
ఈ జాబితాలో పాకిస్థాన్కు చెందిన షహీన్ అఫ్రిది కూడా చేరింది. షహీన్ ఈ ఏడాది 30 మ్యాచుల్లో 27.80 సగటుతో 62 వికెట్లు పడగొట్టాడు.
2023లో అత్యధిక వికెట్లు తీసిన ఐదో బౌలర్ మహమ్మద్ సిరాజ్. ఈ భారత ఫాస్ట్ బౌలర్ ఈ ఏడాది 34 మ్యాచుల్లో 23.78 సగటుతో 60 వికెట్లు తీశాడు.