IND vs WI 1st Test: విండీస్‌తో తొలి టెస్ట్‌కు రంగం సిద్ధం.. డొమినికా చేరుకున్న టీమిండియా..
Team India: విరాట్ కోహ్లీ, రోహిత్ శర్మ, శుభ్‌మన్ గిల్, యశస్వి జైస్వాల్, ఇషాన్ కిషన్, ఇతర భారత ఆటగాళ్లు తమ స్టైలిష్ జెట్-బ్లాక్ అడిడాస్ ప్రాక్టీస్ జెర్సీలను ధరించి విమానాశ్రయంలో కనిపించారు.
భారత్, వెస్టిండీస్ మధ్య సిరీస్ ప్రారంభానికి కౌంట్ డౌన్ ప్రారంభమైంది. జులై 12 నుంచి తొలి టెస్టు మ్యాచ్ ప్రారంభం కానుంది. రెండు వారాల క్రితం కరేబియన్ దీవులకు వెళ్లిన టీమ్ ఇండియా బార్బడోస్ లో ప్రాక్టీస్ చేసింది.
ఇప్పుడు టీం ఇండియా ఆటగాళ్లు ప్రాక్టీస్ ముగించుకుని తొలి టెస్టు మ్యాచ్ కోసం డొమినికా బయలుదేరారు. భారత ఆటగాళ్లు విమానాశ్రయం నుంచి బయలుదేరిన ఫొటోను భారత క్రికెట్ కంట్రోల్ బోర్డు షేర్ చేసింది.
విరాట్ కోహ్లీ, రోహిత్ శర్మ, శుభ్‌మన్ గిల్, మహ్మద్ సిరాజ్, యశస్వి జైస్వాల్, ఇషాన్ కిషన్, ఇతర భారత ఆటగాళ్లు తమ స్టైలిష్ జెట్-బ్లాక్ అడిడాస్ ప్రాక్టీస్ జెర్సీలను ధరించి విమానాశ్రయంలో కనిపించారు.
బార్బడోస్‌లోని క్యాంప్‌లో టీమిండియా ఆటగాళ్లు చెమటోడ్చారు. వెస్టిండీస్ వాతావరణానికి అనుగుణంగా, ద్రవిడ్ నాయకత్వంలో బలహీనతలపై పోరాడారు.
జైస్వాల్ టెస్టు జట్టులో తన స్థానాన్ని దాదాపుగా ఖాయం చేసుకున్నాడు. రెండు రోజుల ప్రాక్టీస్ మ్యాచ్‌లో 76 బంతుల్లో 54 పరుగులు చేశాడు. ఇప్పుడు తొలి టెస్టులో రోహిత్‌తో కలిసి బరిలోకి దిగనున్నాడు.
తొలి టెస్టు జులై 12 నుంచి 16 వరకు జరగనుంది. ఇక రెండో టెస్టు ట్రినిడాడ్‌లోని క్వీన్స్ పార్క్ ఓవల్‌లో జులై 20 నుంచి 24 వరకు జరుగుతుంది.
భారత టెస్టు జట్టు: రోహిత్ శర్మ (కెప్టెన్), విరాట్ కోహ్లీ, శుభ్‌మన్ గిల్, అక్షర్ పటేల్, కేఎస్ భరత్ (వికెట్ కీపర్), అజింక్యా రహానే (వైస్ కెప్టెన్), రవిచంద్రన్ అశ్విన్, రుతురాజ్ గైక్వాడ్, జైస్వాల్, శార్దూల్ ఠాకూర్, ఇషాన్ కిషన్ (వికెట్ కీపర్), రవీంద్ర జడేజా, జయదేవ్ ఉనద్కత్, మహ్మద్ సిరాజ్, ముఖేష్ కుమార్, నవదీప్ సైనీ.
తొలి టెస్టుకు వెస్టిండీస్ జట్టు: క్రెయిగ్ బ్రాత్‌వైట్ (కెప్టెన్), జెర్మైన్ బ్లాక్‌వుడ్ (వైస్ కెప్టెన్), అలిక్ అథానాజీ, టాజెనెరిన్ చంద్రపాల్, రహీం కార్న్‌వాల్, కిర్కే కెమర్ రోచ్, జోమెల్ వారికన్, జాషువా డా సిల్వా, షానన్ గాబ్రియేల్, జాసన్ హోల్డర్, అల్జారీ జోసెఫ్, మెర్క్యురీ జోసెఫ్. ట్రావెలింగ్ రిజర్వ్‌లు: టెవిన్ ఇమ్లాచ్, అకీమ్ జోర్డాన్.