Asia Cup 2023: ఆసియాకప్లో విరాట్ కోహ్లీ రికార్డులు.. చూస్తే ప్రత్యర్థులకు పరేషానే.. పూర్తి వివరాలు ఇవిగో..
Virat Kohli record in Asia Cup: ఆసియా కప్ తర్వాత ఐసీసీ వన్డే ప్రపంచకప్ కూడా ప్రారంభం కావడంతో ఈ టోర్నీ కోహ్లికి కీలకం. ఆసియాకప్లో ఫామ్ను కనుగొని అదే రిథమ్లో బ్యాట్తో పరుగుల వర్షం కురిపించాల్సి ఉంటుంది. ఇప్పటి వరకు 275 వన్డే మ్యాచ్లు ఆడిన కోహ్లి 57.32 సగటుతో 46 సెంచరీలు, 65 అర్ధసెంచరీలతో 12,898 పరుగులు చేశాడు.
ఎంతో ఆసక్తిగా ఎదురుచూస్తున్న ఆసియా కప్ 2023 టోర్నమెంట్కు కౌంట్డౌన్ ప్రారంభమైంది. ఈసారి శ్రీలంక, పాకిస్తాన్లలో ఈ టోర్నమెంట్ ఆగస్టు 30 నుంచి హైబ్రిడ్ ఫార్మాట్లో ప్రారంభమవుతుంది. ఇది సెప్టెంబర్ 17 వరకు జరగనుంది. ఆసియా కప్ 2023లో టీమ్ ఇండియా లీడింగ్ బ్యాట్స్మెన్ విరాట్ కోహ్లీపై అందరి దృష్టి ఉంది.
ఆసియా కప్ తర్వాత ఐసీసీ వన్డే ప్రపంచకప్ కూడా ప్రారంభం కానుండడంతో ఈ టోర్నీ కోహ్లీకి కీలకంగా మారింది. ప్రపంచకప్లో ఫామ్ను కనుగొని అదే రిథమ్లో బ్యాట్ను ఝులిపించాల్సి ఉంటుంది. ఇప్పటి వరకు 275 వన్డే మ్యాచ్లు ఆడిన కోహ్లి 57.32 సగటుతో 46 సెంచరీలు, 65 అర్ధసెంచరీలతో 12,898 పరుగులు చేశాడు.
ఆసియా కప్లో కోహ్లీ రికార్డును పరిశీలిస్తే, 2022 టోర్నమెంట్ అతనికి అద్భుతంగా ఉంది. యూఏఈలో టీ20 ఫార్మాట్లో కోహ్లీ ఐదు ఇన్నింగ్స్ల్లో 92 సగటుతో 147.59 స్ట్రైక్ రేట్తో 276 పరుగులు చేశాడు. పేలవ ఫామ్తో బరిలోకి దిగిన కోహ్లి.. ఇక్కడ భారీ స్కోరును కలెక్ట్ చేసి ఫామ్ లోకి వచ్చాడు.
అతను 2022 ఆసియా కప్లో ఆఫ్ఘనిస్తాన్పై సెంచరీ చేయడం ద్వారా అంతర్జాతీయ క్రికెట్లో తన 1000 రోజుల సెంచరీ కరువును అధిగమించాడు. ఆరు మ్యాచ్ల్లో 296 పరుగులు చేశాడు. కోహ్లి ఆసియా కప్లో భారత్ తరపున 11 వన్డే మ్యాచ్లు ఆడాడు. మూడు సెంచరీలతో 61.30 సగటుతో 613 పరుగులు చేసి రికార్డు సృష్టించాడు.
కోహ్లి 2012లో మిర్పూర్లో శ్రీలంకపై 108, మిర్పూర్లో పాకిస్థాన్పై 183, 2014లో ఫతుల్లాలో బంగ్లాదేశ్పై 136 పరుగులు చేశాడు. అయితే, 2010లో శ్రీలంకలో జరిగిన ఆసియాకప్లో కోహ్లీ 11, 18, 10, 28 పరుగులతో తీవ్రంగా నిరాశపరిచాడు.
ఆసియాకప్ టీ20 ఫార్మాట్లో భారత బ్యాట్స్మెన్కు అత్యుత్తమ రికార్డు ఉంది. 10 మ్యాచ్ల్లో 85.80 సగటుతో 429 పరుగులు చేశాడు. యూఏఈలో 2022 ఎడిషన్లో ఆఫ్ఘనిస్థాన్పై 61 బంతుల్లో 122* పరుగులు చేయడం కోహ్లీ అత్యధిక స్కోరు. అలాగే, 2016 ఎడిషన్లో శ్రీలంకతో జరిగిన మ్యాచ్లో 139 పరుగుల ఛేజింగ్లో 47 బంతుల్లో అజేయంగా 56 పరుగులు చేసి మ్యాన్ ఆఫ్ ద మ్యాచ్గా నిలిచాడు.
ప్రస్తుతం బెంగళూరు శివార్లలోని ఆలూర్లో క్యాంప్లో ఉన్న భారత జట్టు ఆటగాళ్లు ఆసియా కప్ 2023 కోసం తీవ్రంగా ప్రాక్టీస్ చేస్తున్నారు. మొత్తం 6 రోజుల పాటు టీమ్ ఇండియా కోసం ఆసియా కప్ క్యాంప్ నిర్వహిస్తోంది. 3 వ రోజు కెప్టెన్ రోహిత్ శర్మ, ప్రధాన కోచ్ రాహుల్ ద్రవిడ్ నేతృత్వంలో బ్యాటింగ్ ట్రయల్ జరిగింది.
స్పిన్నర్లపై విరాట్ కోహ్లీ చాలా ప్రాక్టీస్ చేశాడు. నెట్స్ లో స్పిన్ బౌలర్లను ఎదుర్కొంటూ కొన్ని స్వీప్ షాట్లు ఆడాడు. 34 ఏళ్ల అతను వరుణ్ చక్రవర్తి, హృతిక్ షోకీన్, రాహుల్ చాహర్లకు వ్యతిరేకంగా నెట్స్లో బ్యాటింగ్ చేస్తూ కనిపించాడు.