Quinton de Kock: కోహ్లీ క్లోజ్ ఫ్రెండ్ రికార్డ్ బ్రేక్ చేసిన డి కాక్.. తొలి ప్లేయర్‌గా సరికొత్త చరిత్ర..
South Africa vs Bangladesh, 23rd Match: బంగ్లాదేశ్‌తో జరిగిన ఈ మ్యాచ్‌లో 140 బంతులు ఎదుర్కొన్న క్వింటన్ డి కాక్ 7 భారీ సిక్సర్లు, 15 ఫోర్లతో 174 పరుగులు చేశాడు. ఈ ప్రపంచకప్‌లో క్వింటన్ డి కాక్ మూడు సెంచరీలు సాధించాడు. బంగ్లాదేశ్‌పై సెంచరీకి ముందు, డి కాక్ శ్రీలంక, ఆస్ట్రేలియాపై సెంచరీలు చేశాడు. కాగా, ఈ ప్రపంచకప్ తర్వాత రిటైర్మెంట్ కానున్న సంగతి తెలిసిందే. తన చివర ప్రపంచకప్ ఆడుతున్న డికాక్.. అద్భుతమైన ఫాంతో దూసుకపోతున్నాడు.
ముంబైలోని వాంఖడే స్టేడియం వేదికగా జరుగుతున్న వన్డే ప్రపంచకప్ 23వ మ్యాచ్‌లో క్వింటన్ డి కాక్ భారీ సెంచరీతో ఎన్నో రికార్డులు సృష్టించాడు. బంగ్లాదేశ్‌తో జరిగిన ఈ మ్యాచ్‌లో డికాక్ 101 బంతుల్లో సెంచరీ సాధించాడు.
ఈ సెంచరీతో ప్రపంచకప్ టోర్నీలో అత్యధిక సెంచరీ చేసిన దక్షిణాఫ్రికా బ్యాట్స్‌మెన్‌గా క్వింటన్ డి కాక్ నిలిచాడు. గతంలో ఈ రికార్డు ఏబీ డివిలియర్స్ పేరిట ఉండేది.
2011 ప్రపంచ కప్‌లో, AB డివిలియర్స్ 2 సెంచరీలు చేయడం ద్వారా ఒకే ప్రపంచ కప్ ఎడిషన్‌లో అత్యధిక సెంచరీలు సాధించిన దక్షిణాఫ్రికా బ్యాట్స్‌మెన్‌గా నిలిచాడు.
ఈ ప్రపంచకప్‌లో క్వింటన్ డి కాక్ మూడు సెంచరీలు సాధించాడు. బంగ్లాదేశ్‌పై సెంచరీకి ముందు, డి కాక్ శ్రీలంక, ఆస్ట్రేలియాపై సెంచరీలు చేశాడు.
ఈ మూడు సెంచరీలతో ఒకే ప్రపంచకప్‌లో 3 సెంచరీలు సాధించిన తొలి దక్షిణాఫ్రికా బ్యాట్స్‌మెన్‌గా నిలిచాడు. అలాగే, శ్రీలంక ఆటగాడు కుమార సంగక్కర తర్వాత, ఒకే ప్రపంచకప్‌లో 3 సెంచరీలు చేసిన రెండో వికెట్ కీపర్‌గా నిలిచాడు.
బంగ్లాదేశ్‌తో జరిగిన ఈ మ్యాచ్‌లో 140 బంతులు ఎదుర్కొన్న క్వింటన్ డి కాక్ 7 భారీ సిక్సర్లు, 15 ఫోర్లతో 174 పరుగులు చేశాడు.