Ruturaj Gaikwad: ఒకే ఓవర్లో 7 సిక్సర్లతో వరల్డ్ రికార్డు, డబుల్ సెంచరీతో దంచికొట్టిన ధోని శిష్యుడు..
విజయ్ హజారే ట్రోఫీలో చెన్నై సూపర్ కింగ్స్ బ్యాటర్ రుతురాజ్ గైక్వాడ్ అద్భుతాలు సృష్టిస్తున్నాడు. క్వార్టర్ ఫైనల్ మ్యాచ్‌లో ఉత్తరప్రదేశ్‌పై ఈ మహారాష్ట్ర కెప్టెన్ డబుల్ సెంచరీ చేశాడు.
విజయ్ హజారే ట్రోఫీలో చెన్నై సూపర్ కింగ్స్ బ్యాటర్ రుతురాజ్ గైక్వాడ్ అద్భుతాలు సృష్టిస్తున్నాడు. క్వార్టర్ ఫైనల్ మ్యాచ్‌లో ఉత్తరప్రదేశ్‌పై ఈ మహారాష్ట్ర కెప్టెన్ డబుల్ సెంచరీ చేశాడు. తద్వారా తన లిస్ట్-ఏ కెరీర్‌లో తొలిసారి డబుల్ సెంచరీ కొట్టిన ఘనత సాధించాడు.
రుతురాజ్ గైక్వాడ్ తన డబుల్ సెంచరీలో మొత్తంగా 16 సిక్సర్లు, 10 ఫోర్లు బాదాడు. ఈ కుడిచేతి వాటం చెన్నై ఓపెనర్ కేవలం బౌండరీలతోనే 26 బంతుల్లో 136 పరుగులు చేశాడు.
ఇంకో ఆశ్చర్యకరమైన విషయమేంటంటే.. మహారాష్ట్ర ఇన్నింగ్స్‌ 48 ఓవర్‌కు రుతురాజ్ వ్యక్తిగత స్కోర్ 165 పరుగులు..
అయితే శివ సింగ్ 49వ ఓవర్లో గైక్వాడ్ వరుసగా 7 సిక్సర్లు కొట్టి.. ఒక్క ఓవర్లో 42 పరుగులు చేశాడు. దీనితో తన డబుల్ సెంచరీ సాధించాడు రుతురాజ్.
ఓ ఆటగాడు ఒక ఓవర్లో 7 సిక్సర్లు బాదడం క్రికెట్ చరిత్రలో ఇదే తొలిసారి. మరోవైపు ఒక ఓవర్లో అత్యధికంగా 43 పరుగులు చేసిన బౌలర్‌గా శివ సింగ్ నిలిచాడు. అంతకుముందు ఈ రికార్డు ఫాస్ట్ బౌలర్ జేమ్స్ ఫుల్లర్(38 పరుగులు) పేరిట ఉంది.