Rohit Sharma: రోహిత్ శర్మ రిటైర్మెంట్‌పై క్లారిటీ.. అప్పుడే టెస్టుకు వీడ్కోలు?
రోహిత్ శర్మ టెస్టు కెరీర్ త్వరలో ముగియనున్నట్లు తెలుస్తుంది. ఈ టీమిండియా కెప్టెన్ సిడ్నీలో తన కెరీర్‌లో చివరి టెస్టు ఆడవచ్చుని సమాచారం. వరల్డ్ టెస్ట్ ఛాంపియన్‌షిప్‌లో టీమిండియా ఫైనల్‌కు చేరకపోతే, సిడ్నీ టెస్టు అతని కెరీర్‌లో చివరి టెస్టు మ్యాచ్ అయ్యే అవకాశం ఉంది. సోషల్ మీడియాలో విరాట్, రోహిత్ రిటైర్మెంట్‌లపై జోరుగా చర్చ జరుగుతుంది.
మెల్బోర్న్ టెస్టులో టీమిండియా పరాజయం పాలైన తర్వాత సోషల్ మీడియాలో కోహ్లీ, రోహిత్‌కి రిటైర్మెంట్‌కు సంబంధించిన వార్తలు వస్తున్నాయి. రోహిత్ శర్మ త్వరలో టెస్టు క్రికెట్‌కు గుడ్‌బై చెప్పబోతున్నట్లు జోరుగా చర్చ జరుగుతుంది.
సిడ్నీ టెస్టు తర్వాత రోహిత్ శర్మ రిటైర్మెంట్ తీసుకుంటాడని ప్రచారం జరుగుతోంది. జనవరి 3న సిడ్నీ టెస్టు ప్రారంభం కానుంది. ఈ మ్యాచ్ ఐదు రోజుల పాటు కొనసాగితే.. జనవరి 7వ తేదీ రోహిత్ శర్మ టెస్టు కెరీర్‌కు చివరి రోజు కావచ్చు.
రోహిత్ శర్మ రిటైర్మెంట్ గురించి బీసీసీఐ, సెలెక్టర్లు ఇప్పటికే మాట్లాడటం ప్రారంభించినట్లు తెలుస్తుంది. టీమిండియా కెప్టెన్ రోహిత్ శర్మ మాత్రం సెలక్టర్లను ఒప్పించే ప్రయత్నం చేస్తున్నాడు.
రోహిత్ శర్మ వాస్తవానికి ప్రపంచ టెస్ట్ ఛాంపియన్‌షిప్‌లో ఫైనల్ ఆడాలని కోరుకుంటున్నాడు, భారత్‌ ఫైనల్‌కు చేరకుంటే అదే అతనికి చివరి మ్యాచ్ కావచ్చు. సిడ్నీ టెస్టు రోహిత్‌కి చివరి టెస్ట్ మ్యాచ్ కావచ్చు.
ఆస్ట్రేలియా టూర్‌లో రోహిత్ శర్మ బ్యాటింగ్ అధ్వాన్నంగా ఉంది.ఈ సిరీస్‌లో ఈ ఆటగాడు 3 మ్యాచ్‌ల్లో 31 పరుగులు మాత్రమే చేశాడు. రోహిత్ బ్యాటింగ్ సగటు 6.20 ఉంది. క్రీజులో నిలదొక్కుకోవడానికే రోహిత్ శర్మ ఇబ్బందిపడ్డాడు.
మెల్బోర్న్ టెస్టులో అతడు తీసుకున్న ఒక నిర్ణయం భారత్‌కు భారీ నష్టాన్ని మిగిల్చింది. ఓపెనింగ్ నుండి KL రాహుల్‌ని తొలగించి, రోహిత్ ఓపెనింగ్‌కి వచ్చాడు. దీంతో అటు రోహిత్ ఆడలేదు ఇటు కేఎల్ రాహులో ఆడలేదు. మూడో నంబర్‌లో ఆడుతున్న కేఎల్ రాహుల్ రెండు ఇన్నింగ్స్‌ల్లోనూ విఫలమయ్యాడు. రోహిత్ శర్మ బ్యాటింగ్ చూస్తుంటే అతను రిటైర్మెంట్ ప్రకటించడం ఖాయంగా తెలుస్తుంది.