Indo-Pak Playing XI: కపిల్, ధోనికి నో కెప్టెన్సీ.. ఇండో-పాక్ ఆల్ టైమ్ ప్లేయింగ్ ఎలెవన్‌ ఇదే.. ప్రకటించిన పాకిస్తాన్ మాజీ దిగ్గజం..
Indo-Pak Playing XI: వన్డే వరల్డ్ కప్ 2023 టోర్నీ అక్టోబర్ 5న ప్రారంభమవుతున్నా.. భారత్, పాకిస్తాన్ మధ్య జరిగే హై ఓల్టేజీ మ్యాచ్ కోసం అక్టోబర్ 14 వరకు వేచి ఉండాల్సిందే. ఇక ఈ మ్యాచ్ కోసం క్రికెట్ ప్రపంచం ఎంతగానో నిరీక్షిస్తోంది. అయితే 2023 మెగా టోర్నీలో వ్యాఖ్యాతగా కనిపించబోతున్న వసీమ్ అక్రమ్ తాజాగా ఓ భారీ ప్రకటన చేశాడు. ఆల్ టైమ్ కంబైన్డ్ ఇండో-పాకిస్థాన్ ప్లేయింగ్ ఎలెవన్‌ని ప్రకటించాడు. ఆశ్చర్యమేమిటంటే.. ఈ లిస్టులో భారత దిగ్గజాలైన రాహుల్ ద్రావిడ్, సౌరవ్ గంగూలీతో పాటు పాక్ మాజీ కెప్టెన్ షాహిద్ అఫ్రిదీకి కూడా స్థానం లభించలేదు. ఇంతకీ లిస్టులో ఎవరెవరు ఉన్నారో చూద్దాం..
1. సయీద్ అన్వర్: పాక్ మాజీ లెఫ్ట్ హ్యాండ్ బ్యాట్స్‌మ్యాన్ సయీద్ అన్వర్‌ని వసీం అక్రమ్ ఆల్ టైమ్ కంబైన్డ్ ఇండో-పాకిస్థాన్ ప్లేయింగ్ ఎలెవన్‌లో ఓపెనర్‌గా ఎంపిక చేశాడు.
2. వీరేంద్ర సెహ్వాగ్: భారత విధ్వంసకర ఓపెనర్ వీరేంద్ర సెహ్వాగ్‌ని వసీం నాన్‌స్ట్రైకర్ ఓపెనర్‌గా ఎంచుకున్నాడు.
3. సచిన్ టెండూల్కర్: టీమిండియా మాజీ ఓపెనర్, 100 సెంచరీల యోధుడైన సచిన్ ఇండో-పాకిస్థాన్ ప్లేయింగ్ ఎలెవన్‌లో మూడో నెంబర్ బ్యాటర్‌గా ఎంపికయ్యాడు.
4. జావేద్ మియాందాద్: పాకిస్థాన్ క్రికెట్ చరిత్రలో అత్యుత్తమ మిడిల్ ఆర్డర్ బ్యాటర్‌ అయిన జావేద్ మియాందాద్‌‌కి వసీం ప్రకటించిన ఇండో-పాకిస్థాన్ ప్లేయింగ్ ఎలెవన్‌లో 4వ ప్లేయర్‌గా అవకాశం లభించింది.
5. విరాట్ కోహ్లీ: వసీం అక్రమ్ తన ప్లేయింగ్ ఎలెవన్‌లో టీమిండియా మాజీ కెప్టెన్, రన్ మెషిన్, చేజింగ్ మాస్టర్ విరాట్ కోహ్లీని 5వ ఆర్డర్ బ్యాట్స్‌మ్యాన్‌గా ఎంచుకున్నాడు.
6. ఇమ్రాన్ ఖాన్ (కెప్టెన్): ఇండో-పాకిస్థాన్ ప్లేయింగ్ ఎలెవన్కి సారథిగా పాక్ మాజీ కెప్టెన్ ఇమ్రాన్ ఖాన్ ఎంపిక అయ్యాడు.
7. కపిల్ దేవ్: భారత్‌కు తొలి ప్రపంచ కప్(1983) అందించిన కెప్టెన్ కపిల్ దేవ్ ఈ ప్లేయింగ్ ఎలెవన్కి ఆల్ రౌండర్‌గా 7వ స్థానంలో నిలిచాడు.
8. ఎంఎస్ ధోని: భారత్‌కి రెండో వరల్డ్ కప్ అందించిన టీమిండియా మాజీ కెప్టెన్ మహేంద్ర సింగ్ ధోని వికెట్ కీపర్‌గా ఎంపిక అయ్యాడు.
9. సక్లైన్ ముస్తాక్: పాకిస్థాన్ మాజీ బౌలర్ సక్లైన్ ముస్తాక్ ఇండో-పాకిస్థాన్ ప్లేయింగ్ ఎలెవన్‌లో స్పిన్నర్‌గా ఎంపికయ్యాడు.
10. జస్‌ప్రీత్ బుమ్రా: టీమిండియా యార్కర్ స్పెషలిస్ట్‌గా మారిన జస్‌ప్రీత్ బుమ్రాని వసీం తన ఇండో-పాకిస్థాన్ ప్లేయింగ్ ఎలెవన్‌లో బౌలర్‌గా ఎంపిక చేశాడు.
11. వకార్ యూనిస్: పాకిస్థాన్ మాజీ ఫాస్ట్ బౌలర్ వకార్ యూనిస్ ఈ ప్లేయింగ్ ఎలెవన్‌లో లీడింగ్ బౌలర్‌గా ఉన్నాడు.