T20 World Cup 2024: ఇదే నా చివరి టీ20 ప్రపంచ కప్.. షాకింగ్ న్యూస్ చెప్పిన స్టార్ బౌలర్..
New Zealand Pacer Trent Boult: ఈ టీ20 ప్రపంచకప్లో న్యూజిలాండ్ జట్టు లీగ్ దశలోనే నిష్క్రమించింది. లీగ్ రౌండ్లో కివీస్ ఆడిన మూడు గేమ్లలో రెండింటిలో ఓడిపోయింది. ఉగాండాపై విజయం, పాపువా న్యూ గినియాపై ఒక మ్యాచ్ మిగిలి ఉండటంతో కేన్ జట్టు ప్రపంచ కప్ నుంచి పాయింట్లతో నిష్క్రమించింది.
ఈ టీ20 ప్రపంచకప్లో న్యూజిలాండ్ జట్టు లీగ్ దశలోనే నిష్క్రమించింది. లీగ్ రౌండ్లో కివీస్ ఆడిన మూడు గేమ్లలో రెండింటిలో ఓడిపోయింది. ఉగాండాపై విజయం, పాపువా న్యూ గినియాపై ఒక మ్యాచ్ మిగిలి ఉండగానే కేన్ జట్టు ప్రపంచ కప్ నుంచి నిష్క్రమించింది.
టీ20 ప్రపంచకప్ గెలవాలన్న కివీస్ జట్టు కల చెదిరిపోగా, మరోవైపు న్యూజిలాండ్ స్టార్ బౌలర్ ట్రెంట్ బౌల్ట్ కీలక ప్రకటన చేశాడు. దీంతో ఫ్యాన్స్కు భారీ షాక్ తగిలింది.
ఉగాండాతో మ్యాచ్ అనంతరం విలేకరుల సమావేశంలో ట్రెంట్ బౌల్ట్ మాట్లాడుతూ.. ఇదే నా చివరి టీ20 ప్రపంచకప్. అంటే, 2026 టీ20 ప్రపంచకప్లో ఆడడని ప్రకటించాడు.
ఇదే నా చివరి టీ20 ప్రపంచకప్ అంటూ బౌల్ట్ ప్రకటించాడు. బౌల్ట్ డిసెంబర్ 2011లో అంతర్జాతీయ అరంగేట్రం చేశాడు. అప్పటి నుంచి జట్టు కీలక బౌలర్గా ఉన్నాడు. 2014 నుంచి ఇప్పటివరకు బౌల్ట్ 4 టీ20 ప్రపంచకప్లో పాల్గొన్నాడు.
బౌల్ట్ ఇప్పుడు న్యూజిలాండ్ తరపున ఆడతాడా లేదా ఏదైనా ఫార్మాట్ నుంచి రిటైర్ అవుతాడా అనేది ధృవీకరించలేదు. అయితే అతను 2026 ప్రపంచకప్లో భాగం కాలేడన్నది వాస్తవం. బోల్ట్ 2022లో సెంట్రల్ కాంట్రాక్ట్ నుంచి బయటపడ్డాడు.
ప్రస్తుతం అతను ప్రపంచవ్యాప్తంగా ఫ్రాంచైజీ క్రికెట్ ఆడుతున్నాడు. బౌల్ట్ ఇప్పటివరకు 78 టెస్టులు, 114 వన్డేలు, 60 టీ20 ఇంటర్నేషనల్స్కు ప్రాతినిధ్యం వహించాడు. టెస్టుల్లో 317, వన్డేల్లో 211, టీ20 అంతర్జాతీయ క్రికెట్లో 81 వికెట్లు తీశాడు.
బౌల్ట్ తన పేరిట అనేక రికార్డులు సృష్టించాడు. వన్డేల్లో 100 వికెట్లు తీసిన ప్రపంచంలోనే మూడో ఫాస్ట్ బౌలర్గా నిలిచాడు.