ఈ లోపంతో బౌలింగ్ చేస్తే కష్టం, ఏడాదిలోనే రిటైర్మెంట్ అంటూ విమర్శలు.. కట్ చేస్తే.. టీమిండియా సారథిగా..
పాక్ లెజండ్రీ బౌలర్ అక్తర్ టీమిండియా ఫాస్ట్ బౌలర్ బుమ్రాపై ఎన్నో విమర్శలు గుప్పించాడు. ఈ క్రమంలో ఇలాంటి లోపంతో బౌలింగ్ చేస్తే..
టీమిండియా ఫాస్ట్ బౌలర్ జస్ప్రీత్ బుమ్రా సారథ్యంలో శుక్రవారం ఇంగ్లండ్‌తో జరిగే టెస్టు మ్యాచ్‌లో భారత జట్టు అడుగుపెట్టనుంది. ప్రాక్టీస్ మ్యాచ్‌లో రెగ్యులర్ కెప్టెన్ రోహిత్ శర్మకు కరోనా పాజిటివ్ అని తేలింది. దీంతో బుమ్రాకు కెప్టెన్సీ అందించారు.
బుమ్రా కెప్టెన్‌గా మారడం భారత క్రికెట్ చరిత్రలో చాలా ప్రత్యేకమైన సందర్భంగా నిలిచింది. 35 ఏళ్ల తర్వాత టీమ్‌ఇండియా కమాండ్‌ని ఓ ఫాస్ట్ బౌలర్ చేపట్టే అవకాశం వచ్చింది. ప్రపంచ ఛాంపియన్‌ కెప్టెన్ కపిల్‌ దేవ్‌ తర్వాత ఏ ఫాస్ట్ బౌలర్ కూడా భారత్‌కి టెస్టు కెప్టెన్ కాలేకపోయాడు.
బుమ్రా ప్రస్తుతం ప్రపంచంలోని అత్యుత్తమ బౌలర్లలో ఒకడిగా నిలిచాడు. అయితే, అతను తన కెరీర్ ప్రారంభించినప్పుడు ఎన్నో విమర్శలు వచ్చాయి. బుమ్రా టెస్టు ఆడేందుకు తగిన బౌలర్ కాదని కొందరు అవహేళన చేశారు. అయితే ఈ భారత బౌలర్ అవన్నీ తప్పు అని నిరూపించాడు.
బుమ్రాను ప్రశ్నించిన వారిలో పాకిస్థాన్ ఫాస్ట్ బౌలర్ షోయబ్ అక్తర్ కూడా ఉన్నాడు. షోయబ్ అక్తర్ మాట్లాడుతూ, 'బుమ్రా తన వీపు, భుజాలతో వేగంగా బౌలింగ్ చేస్తాడు. వెనుక భాగంలో ఏదైనా సమస్య ఉంటే, కోరుకున్నా ప్రత్యేకంగా ఏమీ చేయలేరు. ఫ్రంటల్ యాక్షన్‌తో ఇయాన్ బిషప్, షేన్ బాండ్ పరిస్థితి మరింత దిగజారడం నేను చూశాను. ప్రతి మ్యాచ్‌లో బుమ్రాను ఫీల్డింగ్ చేయించకూడదు. అతనిని మేనేజ్ చేస్తూ ఉండాలి. ప్రతి మ్యాచ్‌లో అతనికి అవకాశం ఇస్తే, ఒక సంవత్సరంలోనే రిటైర్మెంట్ తీసుకుంటాడు' అంటూ విమర్శించాడు.
అయితే బుమ్రా విషయంలో అలా జరగలేదు. అతను మూడు ఫార్మాట్లలో టీమ్ ఇండియాలో భాగం అయ్యాడు. ఇది కాకుండా అతను IPL లో కూడా ఆడుతున్నాడు. ప్రస్తుతం కొత్త బాధ్యతలకు సిద్ధమయ్యాడు. జస్ప్రీత్ బుమ్రా 2018లో భారత జట్టు తరపున టెస్టుల్లో అరంగేట్రం చేశాడు. అరంగేట్రం చేసినప్పటి నుంచి ఇప్పటి వరకు 29 టెస్టులు ఆడాడు. అందులో అతను 21.73 సగటుతో 123 వికెట్లు తీశాడు.