IND Vs WI: కరీబియన్ దీవుల్లో కింగ్ కోహ్లీ దూకుడు.. 3 రికార్డులను బద్దలు కొట్టనున్న రన్ మెషీన్..
Virat Kohli Records: వరల్డ్ టెస్ట్ ఛాంపియన్షిప్ ఫైనల్లో నిరాశపరిచిన కోహ్లి.. ఇప్పుడు తన పాత లయను కనుగొనేందుకు సిద్ధమయ్యాడు. వెస్టిండీస్తో సిరీస్లో మూడు ప్రధాన రికార్డులను సృష్టించే దిశగా ఉన్నాడు.
వరల్డ్ టెస్ట్ ఛాంపియన్షిప్ ఫైనల్ 2023లో ఆస్ట్రేలియా చేతిలో ఓడిపోయి రిక్తహస్తాలతో స్వదేశానికి తిరిగి వచ్చిన టీమిండియా.. తాజాగా ఒక నెల విరామం తర్వాత వెస్టిండీస్లో పర్యటిస్తోంది. 2 మ్యాచ్ల టెస్టు సిరీస్తో జులై 12 (బుధవారం) నుంచి వెస్టిండీస్తో పూర్తి స్థాయి టూర్తో తలపడేందుకు టీమిండియా సర్వం సిద్ధం చేసుకుంది.
టెస్టు సిరీస్ తర్వాత మూడు వన్డేల సిరీస్, ఐదు మ్యాచ్ల టీ20 సిరీస్ జరగనుంది. ఈ సిరీస్లో అందరూ ఎదురు చూస్తున్న ఆటగాడు విరాట్ కోహ్లీ అనడంలో ఎలాంటి సందేహం లేదు. భారత స్టార్ బ్యాటర్ టెస్టులు, వన్డే సిరీస్లలో ఆడనుండగా, కింగ్ కోహ్లీకి టి20ఐ సిరీస్కు విశ్రాంతి ఇచ్చారు.
వరల్డ్ టెస్ట్ ఛాంపియన్షిప్ ఫైనల్లో నిరాశపరిచిన కోహ్లి.. ఇప్పుడు తన పాత లయను కనుగొనేందుకు సిద్ధమయ్యాడు. వెస్టిండీస్తో సిరీస్లో మూడు ప్రధాన రికార్డులను సృష్టించే దిశగా ఉన్నాడు.
వెస్టిండీస్పై అన్ని ఫార్మాట్లలో అత్యధిక పరుగులు: విరాట్ కోహ్లీ వెస్టిండీస్పై మొత్తం మూడు ఫార్మాట్లలో 3653 పరుగులు చేశాడు. కరీబియన్ జట్టుపై అత్యధిక పరుగుల రికార్డు దక్షిణాఫ్రికా గ్రేట్ జాక్వెస్ కలిస్ 4120 పరుగులు చేశాడు. ఈ రికార్డును బ్రేక్ చేసేందుకు కింగ్ కోహ్లీ మరో 467 పరుగులు చేయాలి.
స్వదేశంలో వెస్టిండీస్పై అత్యధిక పరుగులు: కరీబియన్ గడ్డలో విరాట్ కోహ్లి వెస్టిండీస్పై 50.65 సగటుతో 5 సెంచరీలు, 6 అర్ధసెంచరీలతో సహా 1365 పరుగులు చేశాడు. వెస్టిండీస్పై 1838 పరుగులు చేసిన రాహుల్ ద్రవిడ్ వెస్టిండీస్లో వెస్టిండీస్పై అత్యధిక పరుగులు చేసిన బ్యాట్స్మెన్ జాబితాలో అగ్రస్థానంలో ఉన్నాడు. ఈ రికార్డును బద్దలు కొట్టాలంటే విరాట్ కోహ్లీ టెస్టులు, వన్డేల్లో 473 పరుగులు చేయాలి.
వెస్టిండీస్పై అత్యధిక సెంచరీలు: విరాట్ కోహ్లీ వెస్టిండీస్పై అన్ని ఫార్మాట్లలో 11 సెంచరీలు చేశాడు. దీనితో పాటు, అతను వెస్టిండీస్పై మూడవ అత్యధిక సెంచరీల రికార్డును దక్షిణాఫ్రికా లెజెండ్ ఏబీ డివిలియర్స్తో జతకట్టాడు. వెస్టిండీస్పై అన్ని ఫార్మాట్లలో అత్యధిక సెంచరీలు సాధించిన సునీల్ గవాస్కర్ రికార్డును బద్దలు కొట్టడానికి కోహ్లీకి కేవలం 3 సెంచరీలు మాత్రమే అవసరం.