IND vs AFG: ఆఫ్ఘనిస్థాన్‌పై కింగ్ కోహ్లీ టీ20 రికార్డులు ఇవే.. గణాంకాలు చూస్తే వావ్ అనాల్సిందే..
Virat Kohli, IND vs AFG: 14 నెలల నుంచి విరాట్ కోహ్లి టీమిండియా తరపున ఎలాంటి టీ20 అంతర్జాతీయ మ్యాచ్‌లు ఆడనప్పటికీ, ఇప్పటి వరకు టీ20 క్రికెట్‌లో అత్యధిక పరుగులు చేసిన ఆటగాడిగా నిలిచాడు. విరాట్ కోహ్లీ 107 టీ20 ఇంటర్నేషనల్స్ ఆడాడు. అందులో 4008 పరుగులు చేశాడు. 137.97 స్ట్రైక్ రేట్‌తో, విరాట్ టి20 క్రికెట్‌లో ఒక సెంచరీ, 37 అర్ధసెంచరీలు చేశాడు. టీ20 ప్రపంచకప్ వంటి మేజర్ టోర్నీల్లో విరాట్ కోహ్లీ రెండుసార్లు ప్లేయర్ ఆఫ్ ద టోర్నమెంట్‌ను కూడా గెలుచుకున్నాడు.
జనవరి 11 నుంచి భారత్, ఆఫ్ఘనిస్థాన్ జట్ల మధ్య మూడు టీ20ల సిరీస్ ప్రారంభం కానుంది. ఈ సిరీస్‌కు సంబంధించి ఇరు జట్లను ఇప్పటికే ప్రకటించారు. ఈ సిరీస్‌తో టీమిండియా వెటరన్‌లు రోహిత్ శర్మ, విరాట్ కోహ్లీ 14 నెలల తర్వాత టీ20 ఫార్మాట్‌లోకి పునరాగమనం చేస్తున్నారు.
ఈ ఇద్దరు ఆటగాళ్లు చివరిసారిగా 2022 టీ20 ప్రపంచకప్‌లో ఆడారు. ఇప్పుడు మరో ప్రపంచకప్ సమీపిస్తుండటంతో ఈ ఇద్దరు అనుభవజ్ఞులు టీ20 జట్టులో చోటు దక్కించుకున్నారు. రోహిత్ శర్మకు జట్టు కెప్టెన్సీ లభిస్తే, విరాట్ కోహ్లీ యథావిధిగా మూడో నంబర్‌లో బ్యాటింగ్ చేస్తాడు.
ఇప్పుడు భారత్, అఫ్గానిస్థాన్ జట్ల మధ్య జరుగుతున్న టీ20 సిరీస్‌లో కింగ్ కోహ్లీ రికార్డును పరిశీలిస్తే.. నిజానికి ఇరు జట్ల మధ్య పెద్దగా టీ20 మ్యాచ్‌లు జరగలేదు. అయితే, ఆడిన కొన్ని మ్యాచ్‌ల్లో విరాట్ ప్రదర్శన అద్భుతంగా ఉంది.
ఆఫ్ఘనిస్థాన్‌తో విరాట్ కోహ్లీ ఇప్పటి వరకు మూడు టీ20 మ్యాచ్‌లు ఆడాడు. ఇందులో 172 స్ట్రైక్ రేట్‌తో 172 పరుగులు చేశాడు. ఇందులో భారీ సెంచరీ, హాఫ్ సెంచరీ కూడా ఉంది.
2022 ఆసియా కప్‌లో ఆఫ్ఘనిస్థాన్‌పై విరాట్ కోహ్లీ సెంచరీ సాధించాడు. టీ20 అంతర్జాతీయ క్రికెట్‌లో విరాట్‌కి ఇది తొలి సెంచరీ కాగా, సుదీర్ఘ నిరీక్షణ తర్వాత బ్యాట్‌తో విరాట్ కోహ్లీ అంతర్జాతీయ సెంచరీ సాధించాడు.
14 నెలల నుంచి విరాట్ కోహ్లి టీమిండియా తరపున ఎలాంటి టీ20 అంతర్జాతీయ మ్యాచ్‌లు ఆడనప్పటికీ, ఇప్పటి వరకు టీ20 క్రికెట్‌లో అత్యధిక పరుగులు చేసిన ఆటగాడిగా నిలిచాడు. విరాట్ కోహ్లీ 107 టీ20 ఇంటర్నేషనల్స్ ఆడాడు. అందులో 4008 పరుగులు చేశాడు.
137.97 స్ట్రైక్ రేట్‌తో, విరాట్ టి20 క్రికెట్‌లో ఒక సెంచరీ, 37 అర్ధసెంచరీలు చేశాడు. టీ20 ప్రపంచకప్ వంటి మేజర్ టోర్నీల్లో విరాట్ కోహ్లీ రెండుసార్లు ప్లేయర్ ఆఫ్ ద టోర్నమెంట్‌ను కూడా గెలుచుకున్నాడు.