Cricket Photos: తండ్రి, మేనమామ వారసత్వంగా క్రికెట్లోకి ఎంట్రీ.. ఇప్పుడు ప్రపంచంలోనే డేంజర్ బ్యాట్స్మెన్..!
Cricket Photos: మహిళల ప్రపంచకప్లో ఆస్ట్రేలియా ఆధిపత్యాన్ని మరోసారి అభిమానులు తిలకించారు. ముఖ్యంగా ఫైనల్ మ్యాచ్లో 356 పరుగులు చేసింది. ఆస్ట్రేలియా వికెట్
మహిళల ప్రపంచకప్లో ఆస్ట్రేలియా ఆధిపత్యాన్ని మరోసారి అభిమానులు తిలకించారు. ముఖ్యంగా ఫైనల్ మ్యాచ్లో 356 పరుగులు చేసింది. ఆస్ట్రేలియా వికెట్ కీపర్ బ్యాట్స్మెన్ అలిస్సా హీలీ 170 పరుగులతో అద్భుత ఇన్నింగ్స్ ఆడి ప్రపంచ రికార్డు నెలకొల్పింది.
హీలీ క్రికెట్ను వారసత్వంగా పొందింది. ఆమె ఆస్ట్రేలియా టెస్ట్ వికెట్ కీపర్ ఇయాన్ హీలీ మేనకోడలు. ఇయాన్ ఆస్ట్రేలియా అత్యంత విజయవంతమైన వికెట్ కీపర్లలో ఒకరు. అతడిని చూసి అలిస్సా హీలీ చిన్న వయసులోనే వికెట్ కీపర్ బ్యాట్స్మెన్గా ఆడడం ప్రారంభించింది. అతని తండ్రి గ్రెగ్ హీలీ కూడా క్రికెట్ ఆడేవాడు కానీ అంతర్జాతీయ స్థాయికి చేరుకోలేకపోయాడు.
2010లో న్యూజిలాండ్తో మ్యాచ్కు ముందు జట్టు కెప్టెన్, వికెట్ కీపర్ బ్యాట్స్మెన్ జోడీ ఫీల్డ్స్ మ్యాచ్కు దూరమైంది. దీంతో అలిస్సా హీలీకి అరంగేట్రం మ్యాచ్ ఆడే అవకాశం లభించింది. తొలి మ్యాచ్ చివరి ఓవర్లో 11 బంతుల్లో నాలుగు ఫోర్లతో 21 పరుగులు చేసింది.
హీలీ అంతర్జాతీయ కెరీర్ సరిగ్గా ప్రారంభం కాలేదు. 2017 సంవత్సరంలో హీలీకి ఓపెనింగ్ ఆడే అవకాశం వచ్చింది. ఆమె కెరీర్కి కొత్త బూమ్ వచ్చింది. 2017 సంవత్సరం నుంచి ఆమె ODIలలో 55 సగటును కలిగి ఉంది. T20లో ఆమె 149 స్ట్రైక్ రేట్ కలిగి ఉంది.
టీ20 క్రికెట్లో అత్యధిక వ్యక్తిగత స్కోరు సాధించిన ప్లేయర్గా హీలీ రికార్డు సృష్టించింది. 2020లో శ్రీలంకపై 61 బంతుల్లో 148 పరుగులు చేసింది. తాజాగా 170 పరుగులు చేసింది. హీలీ 93 వన్డేల్లో 2469 పరుగులు చేసింది. 63 క్యాచ్లు, 29 స్టంపింగ్లు చేసింది. 123 టీ20ల్లో 2136 పరుగులు చేసింది. ఇందులో 46 క్యాచ్లు, 52 స్టంపింగ్లు కూడా చేసింది.