CPL 2023: ఐపీఎల్‌లోనే కాదు.. సీపీఎల్‌లోనూ చిత్తయిన తెలుగు తేజం.. 3 మ్యాచ్‌ల్లో 32 పరుగులే..
Ambati Rayudu: ఈ మ్యాచ్‌లో రాయుడు నుంచి మంచి ఇన్నింగ్స్‌ను ఆశించారు. కానీ, రాయుడు మాత్రం ఆశించిన స్థాయిలో బ్యాట్ ఝుళిపించలేకపోయాడు. జట్టు ఇన్నింగ్స్ కష్టాల్లో ఉన్నప్పుడు బ్యాటింగ్ కు వచ్చిన రాయుడు ఇన్నింగ్స్ ను చక్కదిద్దుతాడని అంతా భావించారు. కానీ, గుడ్కేశ్ మోతీ స్పిన్‌కు క్యాచ్ ఇచ్చి 24 బంతుల్లో రెండు ఫోర్లు, రెండు సిక్సర్లతో 32 పరుగులు చేసి ఔట్ అయ్యాడు.
భారత క్రికెట్‌కు వీడ్కోలు పలికి.. ప్రస్తుతం కరేబియన్ ప్రీమియర్ లీగ్‌లో ఆడుతున్న అంబటి రాయుడు.. ఈ లీగ్‌లోనూ తన పేలవ ప్రదర్శనను కొనసాగించాడు. గత ఐపీఎల్‌లో చెన్నై తరపున ఆడిన రాయుడు లీగ్ చివరి మ్యాచ్‌లో మ్యాచ్ విన్నింగ్ ఇన్నింగ్స్ ఆడి అందరి దృష్టిని ఆకర్షించాడు.
చెన్నై జట్టును ఛాంపియన్‌గా నిలిపి ఐపీఎల్‌కు వీడ్కోలు పలికిన రాయుడు.. రాజకీయ జీవితంలోకి అడుగుపెట్టనున్నాడని వార్తలు వచ్చాయి. కాగా, కరీబియన్ ప్రీమియర్ లీగ్ లో కొత్త ఇన్నింగ్స్ ప్రారంభించిన రాయుడుకు ఆశించిన ఆరంభం లభించలేదు.
CPLలో, రాయుడు సెయింట్ కిట్స్ అండ్ నెవిస్ పేట్రియాట్స్ తరపున ఆడుతున్నాడు. కానీ, అతని బ్యాట్ ఇప్పటికీ ప్రకాశవంతంగా లేదు. ఇప్పటి వరకు మూడు మ్యాచ్‌లు ఆడిన అతను 32 పరుగులు మాత్రమే చేశాడు.
సెయింట్ కిట్స్, అమెజాన్ వారియర్స్ మధ్య జరిగిన ఈ మ్యాచ్‌లో తొలుత బ్యాటింగ్ చేసిన అమెజాన్ వారియర్స్ ఏడు వికెట్ల నష్టానికి 197 పరుగులు చేసింది. ఈ లక్ష్యాన్ని ఛేదించిన సెయింట్ కిట్స్ జట్టు 16.5 ఓవర్లలో 132 పరుగులకే ఆలౌటైంది.
ఈ మ్యాచ్‌లో రాయుడు నుంచి మంచి ఇన్నింగ్స్ ఆశించారు. కానీ, రాయుడు మాత్రం ఆశించిన స్థాయిలో బ్యాట్ ఝుళిపించలేకపోయాడు. జట్టు ఇన్నింగ్స్ కష్టాల్లో ఉన్నప్పుడు బ్యాటింగ్‌కు వచ్చిన రాయుడు ఇన్నింగ్స్‌ను ధీటుగా ఎదుర్కొంటాడని భావించినా.. గుడ్కేశ్ మోతీ స్పిన్‌కు క్యాచ్ ఇచ్చి 24 బంతుల్లో రెండు ఫోర్లు, రెండు సిక్సర్లతో 32 పరుగులు చేసి ఔట్ అయ్యాడు.
దీనికి ముందు, సెయింట్ కిట్స్, జమైకా తల్లావాస్ జట్టుతో తలపడిన రాయుడు ఆ మ్యాచ్‌లోనూ విఫలమయ్యాడు. ఈ మ్యాచ్ లో సెయింట్ కిట్స్ తొలుత బ్యాటింగ్ చేసింది. ఈ మ్యాచ్‌లో రాయుడు పూర్తిగా విఫలమై ఖాతా తెరవకుండానే ఔటయ్యాడు.
అంతకుముందు అతను ట్రిన్‌బాగో నైట్ రైడర్స్‌పై అరంగేట్రం చేశాడు. అయితే వర్షం కారణంగా ఈ మ్యాచ్ రద్దయింది. అంటే ఇప్పటివరకు సీపీఎల్‌లో ఆడిన మూడు మ్యాచ్‌ల్లో రాయుడు 32 పరుగులు మాత్రమే చేశాడు.