Ashes 2023: యాషెస్‌లో బెన్ స్టోక్స్ స్పెషల్ రికార్డ్.. దిగ్గజాల సరసన ఇంగ్లండ్ కెప్టెన్..!
Ben Stokes: ప్రస్తుతం జరుగుతున్న యాషెస్ టెస్టు సిరీస్‌లో 3వ టెస్టు మ్యాచ్‌లో ఇంగ్లండ్ టెస్టు కెప్టెన్ బెన్ స్టోక్స్ ప్రత్యేక రికార్డును తన పేరుతో లిఖించుకున్నాడు.
ప్రస్తుతం జరుగుతున్న యాషెస్ టెస్టు సిరీస్‌లో 3వ టెస్టు మ్యాచ్‌లో ఇంగ్లండ్ టెస్టు కెప్టెన్ బెన్ స్టోక్స్ ప్రత్యేక రికార్డును లిఖించాడు. దీని ద్వారా క్రికెట్‌లో సుదీర్ఘమైన ఫార్మాట్‌లో ఈ ఘనత సాధించిన మూడో ఆటగాడిగా స్టోక్స్ నిలిచాడు.
ఆస్ట్రేలియాతో జరిగిన మేక్ ఆర్ బ్రేక్ మ్యాచ్ లో ఇంగ్లండ్ జట్టు కేవలం 68 పరుగులకే 4 వికెట్లు కోల్పోయిన సమయంలో 5వ స్థానంలో బ్యాటింగ్ చేసిన స్టోక్స్ కెప్టెన్సీ ఇన్నింగ్స్ ఆడాడు. అతను తన అద్భుతమైన 80 పరుగుల ఇన్నింగ్స్‌తో ఇంగ్లండ్ జట్టును పరాజయాల నుంచి రక్షించడమే కాకుండా, అరుదైన మైలురాయిని కూడా దాటాడు.
ఇంగ్లండ్ తరపున 95వ టెస్టు మ్యాచ్ ఆడుతున్న బెన్‌స్టోక్స్‌.. అత్యంత కష్టతరమైన ఈ క్రికెట్‌లో 6000 పరుగులు, 100 వికెట్లు సాధించిన 3వ క్రికెటర్‌గా రికార్డు సృష్టించాడు. ప్రపంచ క్రికెట్‌లో స్టోక్స్ కంటే ముందు ఇద్దరు ఆటగాళ్లు ఈ రికార్డును సాధించారు. ఆ ఇద్దరు ఎవరో ఇప్పుడు చూద్దాం..
సర్ గార్ఫీల్డ్ సోబర్స్: వెస్టిండీస్ క్రికెట్ లెజెండ్ సర్ గార్ఫీల్డ్ సోబర్స్ వెస్టిండీస్ తరపున తన టెస్ట్ కెరీర్‌లో బ్యాట్‌తో 8032 పరుగులు చేశాడు. బౌలింగ్‌లో 235 వికెట్లు తీసుకున్నాడు.
జాక్వెస్ కలిస్: అదేవిధంగా దక్షిణాఫ్రికా జట్టు స్టార్ ఆల్ రౌండర్ జాక్వెస్ కలిస్ కూడా ఆఫ్రికా తరుపున బ్యాటింగ్‌లో 13289 పరుగులు చేసి బౌలింగ్‌లో 292 వికెట్లు పడగొట్టాడు.
టెస్ట్ మ్యాచ్ గురించి మాట్లాడితే, ఐదు మ్యాచ్‌ల సిరీస్‌లో 0-2తో వెనుకబడిన ఇంగ్లండ్ ఈ మ్యాచ్‌లో గెలవాల్సిన ఒత్తిడిలో ఉంది. ఈ మ్యాచ్‌లో తొలుత బ్యాటింగ్ చేసిన ఆసీస్ తొలి ఇన్నింగ్స్‌లో 263 పరుగులకు ఆలౌటైంది.
అనంతరం తొలి ఇన్నింగ్స్ ప్రారంభించిన ఇంగ్లండ్ 237 పరుగులకు ఇన్నింగ్స్ ముగించింది. 2వ ఇన్నింగ్స్ ప్రారంభించిన కంగారూలు 116 పరుగులకే 4 వికెట్లు కోల్పోయి కష్టాల్లో పడ్డారు. ఈ మ్యాచ్‌లో ఆస్ట్రేలియా గెలిస్తే ప్రతిష్టాత్మక యాషెస్ సిరీస్ సొంతమవుతుంది.