100 రకాలు అవసరం లేదు.. కేవలం ఈ 5 టెస్టులు చాలు.. ఏ రోగం ఉన్నా బయటపడుతుంది
ఈ రోజుల్లో మారుతున్న జీవనశైలి వల్ల వయసుతో నిమిత్తం లేకుండా అందరిలోనూ ఆరోగ్య సమస్యలు పెరుగుతున్నాయి. అందుకే, అనారోగ్యం వచ్చాక బాధపడటం కంటే రాకముందే తెలుసుకోవడం ఎంతో ఉత్తమం. ప్రతి ఒక్కరూ ఖచ్చితంగా చేయించుకోవాల్సిన ముఖ్యమైన ఫుల్ బాడీ చెకప్ పరీక్షలు మరియు వాటి ప్రాముఖ్యత గురించిన పూర్తి వివరాలు ఈ కథనంలో తెలుసుకుందాం.
ఈ రోజుల్లో మన ఉరుకుల పరుగుల జీవితంలో మన ఆరోగ్యాన్ని మనం నిర్లక్ష్యం చేయడం చాలా సహజంగా మారిపోయింది. "నాకేం కాలేదు, నేను బాగానే ఉన్నాను కదా" అని చాలా మంది అనుకుంటారు. కానీ, కొన్ని అనారోగ్య సమస్యలు శరీరంలో లోపల నిశ్శబ్దంగా పెరుగుతూ ఉంటాయి. అవి ముదిరిపోయే వరకు వాటి లక్షణాలు బయటకు కనిపించవు.
అందుకే మన పెద్దలు "నివారణే మేలు" అన్నారు. అనారోగ్యం బారిన పడిన తర్వాత ఆసుపత్రుల చుట్టూ తిరగడం కంటే, రాకముందే మన శరీరాన్ని పరీక్షించుకోవడం ఎంతో ఉత్తమం. ఇందుకోసం ప్రతి ఒక్కరూ క్రమం తప్పకుండా పూర్తి శరీర పరీక్షలు (Full Body Checkup) చేయించుకోవాలి.
మొదటగా మనం చేయించుకోవాల్సిన పరీక్షల్లో బ్లడ్ టెస్టులు చాలా ముఖ్యమైనవి. కంప్లీట్ బ్లడ్ పిక్చర్ (CBP) ద్వారా మన శరీరంలో రక్తం ఎంత ఉంది, ఇన్ఫెక్షన్లు ఏమైనా ఉన్నాయా అనేది తెలుస్తుంది. రెండోవది లివర్ పనితీరును తెలిపే ఎల్ఎఫ్టి (LFT), కిడ్నీల ఆరోగ్యాన్ని అంచనా వేసే ఆర్ఎఫ్టి (RFT) పరీక్షలు చాలా అవసరం.
వీటితో పాటు మూడోవది షుగర్ లెవెల్స్ మరియు బీపీ (రక్తపోటు) సాధారణంగా ఉన్నాయో లేదో క్రమం తప్పకుండా చూసుకోవాలి. ఎందుకంటే మధుమేహం, బీపీలు మిగతా అన్ని అవయవాలపై ప్రభావం చూపుతాయి. రక్తంలో కొలెస్ట్రాల్ స్థాయిలను తెలిపే లిపిడ్ ప్రొఫైల్ పరీక్ష కూడా గుండె ఆరోగ్యాన్ని కాపాడుకోవడానికి ఎంతో సహాయపడుతుంది.
మరో ముఖ్యమైన పరీక్ష నాలుగోవది అల్ట్రాసౌండ్ స్కాన్. మన పొత్తికడుపులోని కాలేయం, కిడ్నీలు, పిత్తాశయం వంటి అంతర్గత అవయవాలలో ఏదైనా వాపు లేదా రాళ్లు వంటి సమస్యలు ఉన్నాయా అనేది ఈ స్కాన్ ద్వారా సులభంగా గుర్తించవచ్చు. అలాగే ఐదోవది మూత్ర పరీక్ష (Urine Test) ద్వారా కిడ్నీల ఇన్ఫెక్షన్లను ముందే తెలుసుకోవచ్చు. గుండె పనితీరును తెలుసుకోవడానికి ఈసీజీ (ECG), 2D ఎకో మరియు టీఎమ్టీ వంటి పరీక్షలు ఎంతో కీలకం. ముఖ్యంగా గుండెపోటు వచ్చే ప్రమాద కారకాలను గుర్తించడానికి ఇవి సహాయపడతాయి.