Coconut Water Benefits: అందుకే వేసవిలో కొబ్బరి బోండం నీళ్లు తాగాలట.. ఎన్ని లాభాలో!
వాతావరణం వేడిగా ఉన్నప్పుడు శరీరం చల్ల బరిచేందుకు సాధారణంగా శీతల పానియాల వైపు మనసు మళ్లుతుంది. అయితే శీతల పానియాలు తాగేందుకు బాగానే ఉన్న ఆ తర్వాత లేనిపోని చిక్కులు తెచ్చిపెడతాయి. బదులుగా కొబ్బరి నీళ్లు తాగొచ్చు. ఇది శరీరాన్ని చల్లగా ఉంచడమే కాకుండా ఆరోగ్యానికీ ఎంతో మేలు చేస్తుంది. అధిక వేడి కారణంగా శరీరం చెమట రూపంలో నీటి శాతాన్ని కోల్పోతుంది. కొన్నిసార్లు అధిక వేడిలో వాంతులు కూడా అవుతాయి..
వాతావరణం వేడిగా ఉన్నప్పుడు శరీరం చల్ల బరిచేందుకు సాధారణంగా శీతల పానియాల వైపు మనసు మళ్లుతుంది. అయితే శీతల పానియాలు తాగేందుకు బాగానే ఉన్న ఆ తర్వాత లేనిపోని చిక్కులు తెచ్చిపెడతాయి. బదులుగా కొబ్బరి నీళ్లు తాగొచ్చు. ఇది శరీరాన్ని చల్లగా ఉంచడమే కాకుండా ఆరోగ్యానికీ ఎంతో మేలు చేస్తుంది.
అధిక వేడి కారణంగా శరీరం చెమట రూపంలో నీటి శాతాన్ని కోల్పోతుంది. కొన్నిసార్లు అధిక వేడిలో వాంతులు కూడా అవుతాయి. దీంతో శరీరం నుంచి నీరు అధికమొత్తంలో బయటకు వెళ్లిపోతుంది. శరీరం ఇలా నీటిని కోల్పోవడం వల్ల డీహైడ్రేషన్ సమస్యలు తలెత్తుతాయి. ఈ డీహైడ్రేషన్ నుండి బయటపడటానికి కొబ్బరి నీరు ఉపయోగపడుతుంది.
కొబ్బరి నీరు రక్తపోటును నియంత్రించడంలో చాలా ప్రభావవంతంగా పనిచేస్తుంది. ఎందుకంటే ఇందులో మెగ్నీషియం, పొటాషియం, విటమిన్ సి పోషకాలు పుష్కలంగా ఉంటాయి. ఈ పదార్థాలన్నీ రక్తపోటును అదుపులో ఉంచడంలో సహాయపడతాయి.
కొబ్బరి నీళ్లు రుచికి కొంచెం తీయగా ఉంటాయి. అందువల్ల మీరు డయాబెటిస్‌తో బాధపడుతుంటే ఎక్కువగా తీసుకోకపోవడమే మంచిది.
ఎముకలు దృఢంగా ఉండాలంటే కాల్షియం అవసరం. కొబ్బరి నీళ్లలో ఎముకలకు అవసరమైన కాల్షియం ఉంటుంది. కాబట్టి ఎముకలను ఆరోగ్యంగా ఉంచుకోవాలనుకుంటే కొబ్బరి నీళ్లను తప్పనిసరిగా తీసుకోవాలి.