Varun Tej: వరుణ్ తేజ్ ఇంక మారరా.. మళ్లీ ప్రయోగమే..
మెగా కుటుంబంలో హీరోలంతా ఓ వైపు ఉంటే.. నేనొక్కడినే మరోవైపు అంటున్నారు వరుణ్ తేజ్. అప్పుడప్పుడూ మెగా రూట్ ఫాలో అయినా.. ఎప్పుడూ తనకంటూ సపరేట్ రూట్ వేసుకోడానికే ఇష్టపడుతుంటారు ఈ మెగా ప్రిన్స్. ఇప్పుడు కూడా ఇదే చేస్తున్నారు. ఆ మధ్య రొటీన్ రూట్ ట్రై చేసినా.. ఇప్పుడు మాత్రం సమ్‌థింగ్ డిఫెరెంట్ అంటున్నారు. కెరీర్ మొదటి నుంచి ఎందుకో మరి మెగా ఇమేజ్‌కు కాస్త దూరంగానే ఉన్నారు వరుణ్ తేజ్.
మెగా కుటుంబంలో హీరోలంతా ఓ వైపు ఉంటే.. నేనొక్కడినే మరోవైపు అంటున్నారు వరుణ్ తేజ్. అప్పుడప్పుడూ మెగా రూట్ ఫాలో అయినా.. ఎప్పుడూ తనకంటూ సపరేట్ రూట్ వేసుకోడానికే ఇష్టపడుతుంటారు ఈ మెగా ప్రిన్స్. ఇప్పుడు కూడా ఇదే చేస్తున్నారు. ఆ మధ్య రొటీన్ రూట్ ట్రై చేసినా.. ఇప్పుడు మాత్రం సమ్‌థింగ్ డిఫెరెంట్ అంటున్నారు.
కెరీర్ మొదటి నుంచి ఎందుకో మరి మెగా ఇమేజ్‌కు కాస్త దూరంగానే ఉన్నారు వరుణ్ తేజ్. ఆ చట్రంలో పడకుండా.. అప్పుడప్పుడూ చేసిన మాస్ సినిమాలు తప్ప.. ఈయన సినిమాల్లో చాలా వరకు డిఫెరెంటే. ఫలితంతో పని లేకుండా ముకుంద, కంచె, అంతరిక్షం లాంటి భిన్నమైన సినిమాలు చేసారు వరుణ్. వీటితో పాటు ఫిదా, తొలి ప్రేమ లాంటి లవ్ స్టోరీస్‌తోనూ ఆకట్టుకున్నారీయన.
ఈ మధ్య ఎక్కువగా ఇమేజ్ బేస్డ్ కథల్ని ఎంచుకున్నారు వరుణ్ తేజ్. అందులో ఎఫ్ 2, గద్దలకొండ గణేష్ మాత్రమే వర్కవుట్ అయ్యాయి. మంచి అంచనాల మధ్య వచ్చిన గని, గాండీవదారి అర్జున డిజాస్టర్ అయ్యాయి. ఎఫ్ 3 కూడా ఏదో అలా అలా అనిల్ రావిపూడి బ్రాండ్‌తో నెట్టుకొచ్చింది. దాంతో మళ్లీ డిఫెరెంట్ కథల వైపు అడుగులేస్తున్నారు వరుణ్ తేజ్.
శక్తి ప్రతాప్ తెరకెక్కిస్తున్న ఆపరేషన్ వాలంటైన్‌లో ఎయిర్ ఫోర్స్ ఆఫీసర్‌గా నటిస్తున్నారు వరుణ్. అలాగే కరుణ కుమార్‌తో మట్కా అనే పీరియాడిక్ సినిమా చేస్తున్నారు.
70ల్లో వైజాగ్ పరిసర ప్రాంతాల్లో జరిగిన సంఘటనల ఆధారంగా కరుణ కుమార్ ఈ కథ రాసుకున్నారు. మరి ఈ రెండు సినిమాలతో తన జాతకం మారుతుందని నమ్ముతున్నారు వరుణ్.