Samyuktha Menon: మలయాళం పదాలతో ఉన్న ఆ టాటూ మీనింగ్ ఏంటో చెప్పిన సంయుక్త మీనన్
ప్రజంట్ తెలుగునాట దూసుకుపోతుంది హీరోయిన్ సంయుక్త మీనన్. వరుస విజయాలతో టాప్ చైర్ దిశగా ముందుకు వెళ్తుంది. పవర్ స్టార్ పవన్ కళ్యాణ్ ‘భీమ్లా నాయక్’ మూవీతో టాలీవుడ్‌కు ఎంట్రీ ఇచ్చిన ఈమె.. ఆ తర్వాత వరుసగా ‘బింబిసార, సార్’ సినిమాలతో మంచి సక్సెస్‌లు అందుకుంది. ఇక రీసెంట్‌గా సాయి ధరమ్ తేజ్ సరసన ‘విరూపాక్ష’ తో బ్లాక్ బాస్టర్ హిట్ కొట్టింది.
హీరో హీరోయిన్లు ఒంటిపై టాటూలు వేయించుకునే ట్రెండ్ ఎప్పట్నుంచో కొనసాగుతుంది. కొందరు తమకిష్టమైన వారి పేర్లను పచ్చబొట్టు వేయించుకుంటే.. ఇంకొందరు విభిన్న సంకేతాలు ఇచ్చే గుర్తులను వేయించుకుంటారు.
ఈ క్రమంలోనే సంయుక్త వీపు పైనున్న పచ్చబొట్టు ప్రజంట్ నెట్టింట ట్రెండ్ అవుతుంది. మలయాళంలో రాయించిన ఆ అక్షరాలకు అర్థమేంటో తెలుసుకునేందుకు నెటిజన్లు కూడా ఇంట్రస్ట్ చూపిస్తున్నారు.
తాజాగా తన టాటూ గురించి రివీల్ చేసింది సంయుక్త. మలయాళంలో ఉన్న ఆ అక్షరాల అర్థం ‘సంచారి’ (ట్రావెలర్) అని వివరించింది. తాను మనసు బాలేనప్పుడు సోలోగా ప్రయాణాలు చేస్తానని.. అదే విషయం ప్రతిబింబించేలా ఈ టాటూ వేసుకున్నట్లు వెల్లడించింది.
2 ఏళ్ల క్రితం ఆ టాటూ వేయించినట్లు తెలిపింది సంయుక్త. మలయాళ ఇండస్టీలో మంచి సక్సెస్ కోసం చూస్తున్న సమయంలో 8 రోజుల పాటు ఒంటరిగా వెకేషన్‌కు వెళ్లానని.. ఆ ఆథ్యాత్మిక టూర్ అనంతరం.. తెలుగు ఇండస్ట్రీ నుంచి చాలా ఆఫర్లు వచ్చాయని సంయుక్త తెలిపింది.
కాగా ‘భీమ్లా నాయక్’ సినిమా ఆడిషన్ గురించి తాజాగా వెల్లడించింది సంయుక్త. ఈ ఫిల్మ్‌కు డైలాగ్స్, స్క్రీన్‌ప్లే అందించిన త్రివిక్రమ్ శ్రీనివాస్.. తన కళ్ల ద్వారా నవరసాలు’ పలికించాలని కోరినట్లు వివరించింది. ఆ స్పెషల్ ఆడిషన్ వల్లే తనకు భీమ్లా నాయక్‌లో చాన్స్ లభించిందని తెలిపింది. కళ్లతో నటించే స్పెషల్ క్వాలిటీ ఆమెకు ఉందని సినిమాలు చూసి మనం కూడా గ్రహించవచ్చు.