Payal Radhakrishna: మొదటి సారి ఖైరతాబాద్ మహా గణపతిని దర్శించుకున్నటాలీవుడ్ హీరోయిన్.. ఫొటోస్ ఇదిగో
హైదరాబాద్లోని ఖైరతాబాద్ మహా గణేశుడిని తాను తొలిసారి దర్శించుకున్నానని చెబుతూ టాలీవుడ్ హీరోయిన్ పాయల్ రాధాకృష్ణ తెగ ఎగ్జైట్ అయిపోయింది. ఇందుకు సంబంధించిన ఫొటోలని సోషల్ మీడియాలో షేర్ చేసి మురిసిపోయింది. ప్రస్తుతం ఈ అమ్మడి ఫొటోస్ నెట్టింట వైరల్ గా మారాయి.
హైదరాబాద్ లో గణేశుడి శోభాయాత్ర అత్యంత వైభవోపేతంగా జరుగుతోంది. వేలాది మంది భక్తులు ఈ కార్యక్రమంలో పాల్గొని గణేశుడికి వీడ్కోలు పలికారు. ఇందుకు సంబంధించిన ఫొటోలు, వీడియోలు ఇప్పుడు సామాజిక మాధ్యమాల్లో వైరల్ గా మారాయి.
కాగా సామాన్య జనాలతో పాటు పలువురు సినీ ప్రముఖులు కూడా ఈ గణేషుడి శోభాయాత్రలో భాగమయ్యారు. ఈ క్రమంలోనే ప్రముఖ టాలీవుడ్ హీరోయిన్ పాయల్ రాధాకృష్ణ ఖైరతాబాద్ మహాగణేశుడిని దర్శించుకుంది. స్వామివారికి ప్రత్యేక పూజలు చేసింది.
అనంతరం ఖైరతాబాద్ మహా గణేశుడి దర్శనానికి సంబంధించిన ఫొటోలని సోషల్ మీడియాలో షేర్ చేసింది పాయల్. ఖైరతాబాద్ వినాయకుడిని దర్శించుకోవడం ఇదే మొదటిసారి అని ఈ సందర్భంగా చెప్పుకొచ్చిందీ అందాల తార.
పాయల్ రాధాకృష్ణ షేర్ చేసిన ఫొటోలు ఇప్పుడు సామాజిక మాధ్యమాల్లో బాగా వైరలవుతున్నాయి. కాగా ఈ ఫొటోల్లో ట్రెడిషినల్ దుస్తుల్లో చాలా అందంగా కనిపించింది పాయల్. వీటిని చూసిన నెటిజన్లు క్రేజీ కామెంట్స్ చేస్తున్నారు.
ఇక పాయల్ రాధాకృష్ణ విషయానికి వస్తే.. మోడల్ గా కెరీర్ ప్రారంభించిందీ అందాల తార. ఆ తర్వాత కన్నడ, తమిళం భాషల్లో కొన్ని సినిమాలు చేసింది. ఇక తెలుగులో తరగతి దాటి, అలా నిన్ను చేరి, ప్రసన్నవదనం, నీలి మేఘశ్యామ, చౌర్య పాఠం, పాపం ప్రతాప్, మిస్టర్ వర్క్ ఫ్రమ్ హోమ్ తదితర సినిమాల్లో నటించిందీ ముద్దుగుమ్మ.
ప్రస్తుతం పాయల్ రాధాకృష్ణ చేతిలో పలు క్రేజీ ప్రాజెక్టులున్నాయి. కాగా ఈ ముద్దుగుమ్మ తెలుగుతో పాటు తమిళం, కన్నడ భాషల్లోనూ సినిమాలు చేస్తోంది. అలాగే వెబ్ సిరీసుల్లోనూ సత్తా చాటుతోంది.