Songs: పాటకు భాషేంటి? ట్యూన్‌ చాలు.. సరిహద్దులు దాటిన తెలుగు పాటలు..
పాటకు భాషేంటి? ట్యూన్‌ వినగానే క్లిక్‌ అయ్యేటట్టు.. కిక్‌ ఇచ్చేటట్టు.. కిసిక్ అనేలా ఉండాలేగానీ, సరిహద్దులు దాటి చెలరేగిపోదా అని అంటారా? యస్‌.. ఈ మధ్య కాలంలో అదర్‌ లాంగ్వేజ్‌ సాంగ్స్ తో పోలిస్తే.. మన పాటలు కేక పుట్టిస్తున్నాయి...
గీత గోవిందం సినిమాలో ఇంకేం ఇంకేం ఇంకేం కావాలే అనే పాట మన దగ్గరే కాదు.. మ్యూజిక్‌ లవర్స్ ఉన్న ప్రతి చోటా క్లిక్‌ అయింది. ఇంత మెలోడీని ఎలా చేశారని ప్రతి ఒక్కరూ మెచ్చుకున్నవారే.
ఈ పాట తర్వాత సరిహద్దులు దాటి పాపులర్‌ అయిన పాట ఎత్తర జండ. కీరవాణి మ్యూజిక్‌, తారక్‌, రామ్‌చరణ్‌, ఆలియా, జక్కన్న కలిసి వేసిన స్టెప్పులు... ప్యాన్‌ ఇండియా రిలీజ్‌... అన్నీ కలగలిసి ఈ పాటను హిట్‌ చేశాయి. ట్రిపుల్‌ ఆర్‌లో ఎత్తర జండని మించి చార్ట్ బస్టర్‌ అయింది.
ఊ అంటావా మావా... పుష్ప సినిమాకి ప్రీ రిలీజ్‌ టమ్‌లో విపరీతమైన క్రేజ్‌ తెచ్చింది ఈ సాంగ్‌. సమంత చేసిన ఫస్ట్ స్పెషల్‌ సాంగ్‌ కావడం, అప్పటి ఆమె పర్సనల్‌ సిట్చువేషన్‌, ఐకాన్‌స్టార్‌కున్న క్రేజ్‌, సుకుమార్‌ స్పెషల్‌ సాంగులమీదున్న బజ్‌... అన్నీ ఊ అంటావా పాటను చార్ట్ బస్టర్‌ చేసేశాయి. అన్నిటినీ మించి దేవిశ్రీ ప్రసాద్‌ ట్యూన్‌కి వంద మార్కులు పడ్డాయి.
రీసెంట్‌గా తారక్‌, జాన్వీ కలిసి నటించిన సినిమా దేవర. ఈ సినిమాలోని చుట్టమల్లే పాట గుర్తుందా? అలా విడుదలైందో లేదో... శ్రీలంకన్‌ సాంగ్‌ గుర్తొచ్చిందంటూ నెగటివ్‌ పబ్లిసిటీ ఎక్కువగా కనిపించింది. కానీ వినేకొద్దీ తెలుగు వారికి నచ్చింది. అదర్‌ లాంగ్వేజెస్‌లోనూ చుట్టమల్లే సాంగ్‌ ప్రూవ్‌ చేసుకుంది.
ఇప్పుడు ఈ సాంగ్స్ అన్నిటినీ మించి పోయింది కిస్సిక్‌. అతి తక్కువ సమయంలో పాతిక మిలియన్ల వ్యూస్‌ తెచ్చుకున్న పాటగా రికార్డు క్రియేట్‌ చేసింది. శ్రీలీల డ్యాన్స్ చేయడానికి వస్తుందనగానే నేను కాస్త కాన్షియస్‌ అయ్యానంటూ ఫ్యాన్స్లో ఈ పాటకు సంబంధించి మరింత జోష్‌ పెంచేశారు అల్లు అర్జున్‌. సినిమా రిలీజ్‌ అయ్యేలోపు ఈ పాట ఎన్ని మిలియన్లను టచ్‌ చేస్తుందో లెట్స్ వెయిట్‌ అండ్‌ సీ...