Animal: యానిమల్ బుకింగ్స్ ఏంటి బాసూ.. తెలుగులోనూ కుమ్మేసేలా ఉన్నాడుగా !!
హిందీ సినిమాలకు తెలుగులో అంతగా ఆదరణ ఉండదు.. షారుక్ ఖాన్ లాంటి హీరో సినిమాలకు మాత్రమే మంచి ఓపెనింగ్స్ వస్తుంటాయి. అంతే తప్ప వారం రోజుల ముందుగానే బుకింగ్స్ ఓపెన్ చేసినా.. హౌజ్ ఫుల్స్ అయ్యేంత సత్తా మాత్రం బాలీవుడ్ సినిమాలకు మన దగ్గర లేదు. డబ్బింగ్ చేసి వదిలినా.. రిలీజ్ రోజు సందడి మాత్రమే కనిపిస్తుంటుంది. కానీ యానిమల్ మాత్రం లెక్కలు తిరగరాసేలా కనిపిస్తుంది. ఈ సినిమాకు వారం రోజుల ముందే బుకింగ్స్ ఓపెన్ చేసారు దర్శక నిర్మాతలు.
హిందీ సినిమాలకు తెలుగులో అంతగా ఆదరణ ఉండదు.. షారుక్ ఖాన్ లాంటి హీరో సినిమాలకు మాత్రమే మంచి ఓపెనింగ్స్ వస్తుంటాయి. అంతే తప్ప వారం రోజుల ముందుగానే బుకింగ్స్ ఓపెన్ చేసినా.. హౌజ్ ఫుల్స్ అయ్యేంత సత్తా మాత్రం బాలీవుడ్ సినిమాలకు మన దగ్గర లేదు. డబ్బింగ్ చేసి వదిలినా.. రిలీజ్ రోజు సందడి మాత్రమే కనిపిస్తుంటుంది. కానీ యానిమల్ మాత్రం లెక్కలు తిరగరాసేలా కనిపిస్తుంది. ఈ సినిమాకు వారం రోజుల ముందే బుకింగ్స్ ఓపెన్ చేసారు దర్శక నిర్మాతలు.
దానికి అదిరిపోయే రెస్పాన్స్ వస్తుందిప్పుడు. ముఖ్యంగా చాలా మేజర్ సెంటర్స్‌లో బుకింగ్స్ అన్నీ ఫుల్స్ అయిపోయాయి. సందీప్ రెడ్డి వంగా తెరకెక్కిస్తున్న ఈ సినిమాలో రణ్‌బీర్ కపూర్, రష్మిక మందన్న జంటగా నటిస్తున్నారు. ఔట్ అండ్ ఔట్ యాక్షన్ ఫ్యామిలీ ఎంటర్‌టైనర్‌గా వస్తుంది యానిమల్. ఇప్పటికే విడుదలైన ట్రైలర్ చూసాక సినిమా ఎలా ఉండబోతుందో క్లారిటీ వచ్చేసింది. తండ్రీ కొడుకుల రిలేషన్‌ను ఇప్పటి వరకు మరే దర్శకుడు ఇండియన్ స్క్రీన్ మీద చూపించని విధంగా ప్రజెంట్ చేయబోతున్నాడు దర్శకుడు సందీప్.
పైగా అర్జున్ రెడ్డి తర్వాత ఆయన మరే సినిమా చేయలేదు. దాంతో యానిమల్‌పై అంచనాలు మామూలుగా లేవు. కచ్చితంగా ఈ సినిమా కూడా 500 కోట్ల క్లబ్‌లో చేరుతుందనే అంచనాలున్నాయి. తెలుగులోనూ దీనిపై ఆసక్తి పెరిగిపోతుంది. దానికి ప్రజెంట్ బుకింగ్స్ నిదర్శనం. స్టార్ హీరోల సినిమాల స్థాయిలో యానిమల్‌కు తెలుగులోనూ బుకింగ్స్ జరుగుతున్నాయి. ముఖ్యంగా హైదరాబాద్, వైజాగ్ లాంటి ప్రధాన నగరాల్లో ఈ సినిమా బుకింగ్స్ చాలా హై లో ఉన్నాయి.
రాబోయే రెండు మూడు రోజుల్లో ఈ హవా ఇంకా పెరగడం ఖాయం. తెలుగు బెల్ట్‌లోనే యానిమల్ కచ్చితంగా 50 కోట్ల క్లబ్‌లో చేరుతుందని అంచనా వేస్తున్నారు ట్రేడ్ పండితులు. ఒకవేళ టాక్ వర్కవుట్ అయి.. బొమ్మ బ్లాక్‌బస్టర్ అయితే అదేం పెద్ద కష్టం కాకపోవచ్చు. ఎందుకంటే సందీప్ వంగా క్రేజ్ అలా ఉంది మరి. ఇక హిందీలో ఈ సినిమాపై ఉన్న అంచనాలు లెక్కేయడం కష్టమే. ఏడాది చివర్లో కచ్చితంగా ఇండస్ట్రీని షేక్ చేసే బ్లాక్‌బస్టర్ అవుతుందని.. చాలా రోజులుగా స్థబ్ధుగా ఉన్న బాక్సాఫీస్ దుమ్ము దులిపేసే సినిమా అవుతుందని నమ్ముతున్నారు ట్రేడ్ పండితులు. రణ్‌బీర్ కపూర్ కూడా ఈ ఏడాది మంచి ఫామ్‌లోనే ఉన్నాడు.
గతేడాది బ్రహ్మస్త్ర ఓకే అనిపించగా.. ఈ ఏడాది తూ జూటీ మై మక్కర్ కూడా మంచి విజయాన్ని అందుకుంది. యానిమల్ కూడా కచ్చితంగా అదే రిజల్ట్ రిపీట్ చేస్తుందని నమ్ముతున్నారు రణ్‌బీర్ ఫ్యాన్స్. ఎలా చూసుకున్నా కూడా ఓపెనింగ్స్ అయితే భారీగా ఉండటం ఖాయం. అయితే హిందీ, తెలుగు మినహాయిస్తే.. మిగిలిన చోట్ల యానిమల్ బుకింగ్స్ అంతగా కనిపించడం లేదు. ఓవర్సీస్ మాత్రం టాప్ లేచిపోవడం ఖాయం. అక్కడ అర్జున్ రెడ్డి, కబీర్ సింగ్ రెండూ దుమ్ము దులిపేసాయి. ఇప్పుడు యానిమల్‌పై ఇదే క్రేజ్ ఉంది. పైగా సందీప్ రెడ్డి వంగా బ్రాండ్ యానిమల్‌కు ప్రధానమైన బలం. మొత్తానికి చూడాలిక.. యానిమల్‌తో సందీప్ ఎలాంటి మాయ చేస్తాడో..?