Prabhas: అది లెక్క.. డార్లింగ్ ఆ మజాకా.! ప్రశాంత్ వర్మ డైరెక్షన్ లో ఆ స్టార్ హీరో రాసిన స్క్రిప్ట్.!
ఆల్రెడీ వరుస సినిమాలతో ఫుల్ బిజీగా ఉన్న ప్రభాస్ కొత్త ఏడాదిలో మరో క్రేజీ ప్రాజెక్ట్‌ను ఎనౌన్స్ చేయబోతున్నారా.? రీసెంట్‌ టైమ్స్‌లో సోషల్ మీడియాలో వైరల్ అయిన చాలా వార్తలను ఓకే ప్రాజెక్ట్‌ కోసం సెట్ చేస్తున్నారా.? ఇదే ఇప్పుడు ఇండస్ట్రీ సర్కిల్స్‌లో ట్రెండింగ్ టాపిక్‌. ప్రజెంట్ ది రాజాసాబ్, ఫౌజీ సినిమా షూటింగ్స్‌లో బిజీగా ఉన్న ప్రభాస్, నెక్ట్స్‌ స్పిరిట్, సలార్ 2, కల్కి 2 సినిమాలు చేయాల్సి ఉంది.
సలార్ సీక్వెల్ వర్క్ కూడా అదే టైమ్‌లో స్టార్ట్ కానుంది. ఇక మోస్ట్ అవెయిటెడ్‌ కల్కి 2 పనులు కూడా ఈ ఏడాదే ప్రారంభం కానున్నాయి. ఆల్రెడీ ఓకే అయిన ప్రాజెక్ట్స్‌తో పాటు మరి కొన్ని సినిమాలు డిస్కషన్ స్టేజ్‌లో ఉన్నాయి.
2025 సెకండ్ హాఫ్‌లో క్రేజీ ప్రాజెక్ట్స్ లైన్‌లో పెడుతున్నారు డార్లింగ్. సందీప్ రెడ్డి వంగా కాంబినేషన్‌లో ఎనౌన్స్ చేసిన స్పిరిట్ మూవీ సమ్మర్‌ తరువాత సెట్స్ మీదకు వెళ్లే ఛాన్స్ కనిపిస్తోంది.
ప్రశాంత్ వర్మ, ప్రభాస్ కాంబోకు సంబంధించిన వార్తలు చాలా రోజులుగా వైరల్ అవుతున్నాయి. హోంబలే బ్యానర్‌లో రిషబ్ కథతో ప్రభాస్ ఓ సినిమా చేస్తారన్న ప్రచారం కూడా జరుగుతోంది.
ఈ సినిమాలకు సంబంధించిన క్లారిటీ కూడా 2025లోనే రానుంది. ఈ అప్‌డేట్స్‌తో 2025లోనూ ప్రభాసే మోస్ట్ హ్యాపెనింగ్ హీరో అనిపించుకుంటారంటున్నారు సినీ జనాలు.
ది రాజాసాబ్ వర్క్ ఆల్మోస్ట్ ఫైనల్ స్టేజ్‌లో ఉంది. హను రాఘవపూడి తెరకెక్కిస్తున్న ఫౌజీ వర్క్ ఈ మధ్యే స్టార్ట్ అయ్యింది. 2025 ఫస్ట్ హాప్‌ అంతా ఈ సినిమా మీదే ఫోకస్ చేయబోతున్నారు డార్లింగ్.
రిషబ్ కథతో తెరకెక్కబోయే సినిమాను ప్రశాంత్ వర్మ డైరెక్ట్ చేయబోతున్నారన్నది లేటెస్ట్ న్యూస్‌. రీసెంట్‌గా ప్రభాస్‌తో మూడు సినిమాలకు ఒప్పందం చేసుకున్న హోంబలే ఫిలింస్ బ్యానర్‌లోనే ఈ ప్రాజెక్ట్‌ను తెరకెక్కించేలా ప్లాన్ చేస్తున్నారు.
ప్రస్తుతానికి ఈ ప్రాజెక్ట్‌కు సంబంధించి డిస్కషన్స్ జరుగుతున్నాయి. త్వరలోనే అఫీషియల్‌ అప్‌డేట్ వచ్చే ఛాన్స్ ఉంది.
అఫీషియల్‌గా కన్ఫార్మ్ అయినా ఈ క్రేజీ కాంబో సెట్స్ మీదకు వెళ్లేది మాత్రం 2027లోనే అంటున్నారు ఇండస్ట్రీ జనాలు. ప్రజెంట్ ప్రభాస్ ఖాతాలో ఉన్న సినిమాలు పూర్తవ్వాలంటే ఆ మాత్రం టైమ్ పడుతుందని అంచనా వేస్తున్నారు.