తెలుగు ఇండస్ట్రీలోతగ్గని హీరోయిన్స్ కొరత.. ఖాళీగా ఉన్న టాప్ 1 స్థానం
టాలీవుడ్‌లో నెంబర్ వన్ హీరోయిన్ ఎవరు..? ఈ ప్రశ్న అడిగేముందు.. అసలు తెలుగులో టాప్ హీరోయిన్స్ ఉన్నారా అనే అనుమానం వస్తుంది. ఎందుకంటే నెంబర్ 1 అనుకుంటున్న భామ చేతిలో ఉన్నది ఒక్క సినిమానే.. నెంబర్ 2 కాస్తా బాలీవుడ్‌కి షిఫ్ట్ అయిపోయారు. మరి ఈ లెక్కన టాలీవుడ్ పరిస్థితేంటి..? తెలుగు ఇండస్ట్రీలో ఈ హీరోయిన్స్ కొరత తీరేదెప్పుడు..? ఇదే ఇవాల్టి ఎక్స్‌క్లూజివ్ స్టోరీ..
టాలీవుడ్‌లో నెంబర్ వన్ హీరోయిన్ ఎవరు..? ఈ ప్రశ్న అడిగేముందు.. అసలు తెలుగులో టాప్ హీరోయిన్స్ ఉన్నారా అనే అనుమానం వస్తుంది. ఎందుకంటే నెంబర్ 1 అనుకుంటున్న భామ చేతిలో ఉన్నది ఒక్క సినిమానే.. నెంబర్ 2 కాస్తా బాలీవుడ్‌కి షిఫ్ట్ అయిపోయారు. మరి ఈ లెక్కన టాలీవుడ్ పరిస్థితేంటి..? తెలుగు ఇండస్ట్రీలో ఈ హీరోయిన్స్ కొరత తీరేదెప్పుడు..? ఇదే ఇవాల్టి ఎక్స్‌క్లూజివ్ స్టోరీ..
రోజుకో కొత్త ముద్దుగుమ్మ ఇండస్ట్రీకి వస్తున్నా.. టాలీవుడ్‌కు ఆ హీరోయిన్స్ కొరత మాత్రం తీరట్లేదు. దాంతో దర్శక నిర్మాతలకు చుక్కలు కనిపిస్తూనే ఉన్నాయి. నిన్నటి వరకు నెం 1 అనుకున్న శ్రీలీలకు ఇప్పుడు సినిమాలే లేవు.. పవన్, నితిన్ సినిమాలున్నా ఇప్పట్లో రావు. మరోవైపు మృణాళ్ ఠాకూర్‌ రెండు హిట్లకే పరమితమైపోయారు.
శ్రీలీల, మృణాళ్ సంగతి పక్కనబెడితే.. మీనాక్షి చౌదరి దూకుడు బాగానే ఉన్నా.. స్టార్ హీరోలు ఈమెను చూడట్లేదు. దుల్కర్ సల్మాన్, విశ్వక్ సేన్, వెంకటేష్ లాంటి హీరోలతో నటిస్తున్నారామె. పూజా హెగ్డేకు ఇప్పుడు ఆఫర్స్ లేవు. మరోవైపు రష్మిక మందన్న టాలీవుడ్‌కు గ్యాప్ ఇచ్చి.. బాలీవుడ్‌పై ఫోకస్ చేసారు. పుష్ప 2 ఒక్కడే రష్మిక చేస్తున్న పెద్ద సినిమా.
సమంత, తమన్నా, రకుల్ ప్రీత్ సింగ్.. వీళ్ళంతా సీనియర్స్ కావడంతో ఆఫర్స్ తగ్గిపోయాయి. మరోవైపు శ్రీలీల, కృతి శెట్టి ఫ్లాపుల్లో ఉన్నారు. ఈ గ్యాప్ భర్తీ చేయడానికి జాన్వీ కపూర్ వస్తున్నారు. చరణ్, ఎన్టీఆర్ నెక్ట్స్ సినిమాల్లో ఈమె హీరోయిన్. అయితే అవి వచ్చేవరకు జాన్వీ రేస్‌లో లేనట్లే. దేవర ఆడితే మాత్రం కచ్చితంగా జాన్వీ గురించి చర్చ మొదలవుతుంది.
టాలీవుడ్ నెక్ట్స్ నెంబర్ 1 హీరోయిన్ హోదా అందుకోడానికి రేసులో ఇప్పుడైతే ఎవరూ లేరు. కియారా అద్వానీ, జాన్వీ కపూర్ లాంటి బాలీవుడ్ బ్యూటీస్ ఒకట్రెండు సినిమాలతో వచ్చే గెస్టులే తప్ప ఇక్కడే ఉండరు. భాగ్య శ్రీ బోర్సే, మాళవిక మోహనన్ లాంటి అప్‌కమింగ్ హీరోయిన్లు సత్తా చూపిస్తే.. వాళ్లూ రేసులోకి వస్తారు. ఈ లెక్కన టాలీవుడ్‌లో నెంబర్ వన్ హీరోయిన్ పీఠం మరికొన్నిరోజులు ఖాళీగా ఉండాల్సిందే.