Sreeleela : ఎంత పని చేశావ్ అమ్మడు.. బ్లాక్ బస్టర్ హిట్ మిస్ చేసుకున్న శ్రీలీల.. పడుంటే వేరేలా ఉండేది..
టాలీవుడ్ హీరోయిన్ శ్రీలీల ప్రస్తుతం హిట్టు కోసం వెయిట్ చేస్తుంది. గతేడాది వరుస ప్లాపులు చూసిన ఈ అమ్మడు.. ఇప్పుడు కోలీవుడ్ పై ఆశలు పెట్టుకుంది. కానీ అక్కడ కూడా మరోసారి నిరాశే ఎదురైంది. తమిళంలో శివకార్తికేయన్ హీరోగా నటించిన పరాశక్తి సినిమాతో మరోసారి పరాజయాన్ని అందుకుంది. ఇంతకీ ఏం జరిగిందంటే..
టాలీవుడ్ ఇండస్ట్రీలో ఒక్కసారిగా పాపులర్ అయిన హీరోయిన్ శ్రీలీల. అందం, అభినయంతోపాటు అదృష్టం కలిసి వచ్చిన హీరోయిన్. తెలుగులో మొదటి సినిమాతోనే ఓవర్ నైట్ స్టార్ అయిపోయింది. ఆ తర్వాత యంగ్ హీరోలతోపాటు సీనియర్ హీరోలతోనూ జతకట్టి హిట్స్ అందుకుంది.
గతేడాది మూడు సినిమాలతో అడియన్స్ ముందుకు వచ్చింది. నితిన్ సరసన రాబిన్ హుడ్, కిరీటి జోడిగా జూనియర్, రవితేజ సరసన మజాకా సినిమాల్లో నటించింది. కానీ ఈ మూడు చిత్రాలు బాక్సాఫీస్ వద్ద తీవ్ర నిరాశకు గురిచేశాయి. ఇటీవలే పరాశక్తి సినిమాతో తమిళ సినీరంగంలోకి అడుగుపెట్టింది.
భారీ అంచనాల మధ్య విడుదలైన ఈ మూవీ డిజాస్టర్ అయ్యింది. దీంతో అక్కడ కూడా ఈ బ్యూటీకి మరోసారి నిరాశే ఎదురయ్యింది. పరాశక్తి సినిమాతో తమిళంలో ఈ బ్యూటీ పాగా వేస్తుందని భావించారు. కానీ ఆమెకు తమిళంలో తొలి ప్రయత్నంలోనే సక్సెస్ కాలేదు.
ఇదిలా ఉంటే.. తాజా సమాచారం ప్రకారం ఈ బ్యూటీ ఇటీవల బ్లాక్ బస్టర్ హిట్ మిస్సైందట. ఆ సినిమా మరేదో కాదు.. అనగనగా ఒకరాజు. నవీన్ పోలిశెట్టి, మీనాక్షి చౌదరి జంటగా నటించిన ఈ సినిమా సంక్రాంతి కానుకగా జనవరి 14న విడుదలై భారీ విజయాన్ని అందుకుంది.
కేవలం ఐదు రోజుల్లోనే రూ.100 కోట్లకు పైగా గ్రాస్ కలెక్షన్స్ రాబట్టింది. అయితే ఈ సినిమాకు ముందుగా శ్రీలీలను ఎంపిక చేసుకున్నారట. మీనాక్షి కంటే ముందు శ్రీలీలను అనుకున్నారట. కానీ ప్రాజెక్ట్ డీలే కావడం.. ఇతర సినిమాలు ఉండడంతో శ్రీలీల తప్పుకుందని.. దీంతో ఆ ఛాన్స్ మీనాక్షికి వచ్చిందట.