NBK 109: సెప్టెంబర్ 14 నుంచి రాజస్థాన్ లో NBK 109 షెడ్యూల్
మహేష్ బాబు ఇంకా రాజమౌళి కోసం మేకోవర్ అవుతూనే ఉన్నారు.. మరోవైపు పవన్ ఇంకొన్నాళ్లు రాజకీయాల్లోనే బిజీగా ఉండబోతున్నారు.. రవితేజ, రామ్ లాంటి హీరోలేమో ఈ మధ్యే వచ్చిన ఫ్లాప్స్ నుంచి కోలుకోడానికి కాస్త టైమ్ తీసుకుంటున్నారు. నాని మాత్రం మరో సినిమాతో బిజీ అయిపోయారు. అయినా ఇలా ముక్కలు ముక్కలుగా ఎందుకు గానీ.. మొత్తం షూటింగ్ అప్‌డేట్స్ ఒకేసారి చూసొద్దాం పదండి..
మహేష్ బాబు ఇంకా రాజమౌళి కోసం మేకోవర్ అవుతూనే ఉన్నారు.. మరోవైపు పవన్ ఇంకొన్నాళ్లు రాజకీయాల్లోనే బిజీగా ఉండబోతున్నారు.. రవితేజ, రామ్ లాంటి హీరోలేమో ఈ మధ్యే వచ్చిన ఫ్లాప్స్ నుంచి కోలుకోడానికి కాస్త టైమ్ తీసుకుంటున్నారు. నాని మాత్రం మరో సినిమాతో బిజీ అయిపోయారు. అయినా ఇలా ముక్కలు ముక్కలుగా ఎందుకు గానీ.. మొత్తం షూటింగ్ అప్‌డేట్స్ ఒకేసారి చూసొద్దాం పదండి..
ప్రభాస్, మారుతి కాంబినేషన్‌లో వస్తున్న రాజా సాబ్ షూటింగ్ శంషాబాద్‌లోని తెహర్ స్టూడియోలో జరుగుతుంది. ప్రభాస్, ముగ్గురు హీరోయిన్ల కాంబినేషన్ సీన్స్ చిత్రీకరిస్తున్నారు మారుతి. ఇక విశ్వంభర షూటింగ్ సారధి స్టూడియోస్‌లో జరుగుతుంది.
నాగార్జున, ధనుష్ కాంబినేషన్‌లో వస్తున్న కుబేరా తాజా షెడ్యూల్ సికింద్రాబాద్‌లో జరుగుతుంది. వెంకటేష్, అనిల్ రావిపూడి సినిమా షెడ్యూల్ కేరళలోని పొల్లాచ్చిలో ఈ మధ్యే పూర్తైంది. సెప్టెంబర్ 11 నుంచి కారైకూడిలో కొత్త షెడ్యూల్ మొదలు కానుంది.
వరుణ్ తేజ్, కరుణ కుమార్ కాంబోలో వస్తున్న మట్కా షూట్ RFC లోనే జరుగుతుంది. విజయ్ దేవరకొండ, గౌతమ్ తిన్ననూరి సినిమాతో పాటు సాయి ధరమ్ తేజ్ కొత్త సినిమా షూటింగ్స్ సైతం ఫిల్మ్ సిటీలోనే జరుగుతున్నాయి.
బాబీ, బాలయ్య కాంబినేషన్‌లో వస్తున్న NBK 109 షూటింగ్ సెప్టెంబర్ 14 నుంచి రాజస్థాన్‌లో జరగనుంది. అలాగే సెప్టెంబర్ 11 నుంచి హిట్ 3తో హైదరాబాద్‌లోనే బిజీ కానున్నారు నాని. సిద్ధూ జొన్నలగడ్డ, నీరజ కోన సినిమా షూటింగ్ శంకరపల్లిలో జరుగుతుంది. దీంతో పాటు బొమ్మరిల్లు భాస్కర్ దర్శకత్వంలో నటిస్తున్న జాక్ సినిమా కొత్త షెడ్యూల్ సెప్టెంబర్ 15 నుంచి మొదలు కానుంది.