GDP: అసలు జీడీపీ అంటే ఏంటీ..? ఎవరు విడుదల చేస్తారు..? ఎక్కడ లెక్కిస్తారు..?
జీడీపీ అనే పదం మనం తరుచూ వింటూ ఉంటాం. తరచూ వార్తల్లో వినిపిస్తూ ఉంటుంది. కానీ జీడీపీ అంటే ఏంటి.. దీనికి ఎలా లెక్కిస్తారు.. ఎవరు విడుదల చేస్తారు అనే విషయాలు చాలామందికి తెలియదు. వాటి గురించి పూర్తి వివరాలు ఇప్పుడు తెలుసుకుందాం..
India Gdp Growth
- జీడీపీ అనే పదం మనం తరచూ వింటూ ఉంటాం. బడ్జెట్ ప్రసంగంలో లేదా ఆర్బీఐ సమీక్ష సమావేశాల సమయంలో తరచూ వార్తల్లో వినిపిస్తూ ఉంటుంది. దేశ జీడీపీ వృద్ధి అంచనాలను పలు రేటింగ్ సంస్థలు విడుదల చేస్తూ ఉంటాయి. ఇక ఆర్బీఐ, కేంద్ర ప్రభుత్వం కూడా అంచనాలను ఎప్పటికప్పుడు వెల్లడిస్తూ ఉంటుంది. అసలు జీడీపీ అంటే ఏంటనేది చాలామందికి తెలియదు. దాని గురించి ఇప్పుడు తెలుసుకుందాం.
- GDP అనగా గ్రాస్ డొమెస్టిక్ ప్రొడక్ట్ అని అర్థం. అంటే ఒక సంవత్సరం లేదా త్రైమాసికంలో దేశంలో ఉత్పత్తి చేయబడ్డ అన్ని వస్తువులు, సేవల మొత్తం విలువ. ఇది ఆర్థిక వ్యవస్థ పరిమాణం, ఆరోగ్యాన్ని ప్రతిబింబిస్తుంది. జీడీపీలో నామినల్ జీడీపీ, వాస్తవ జీడీపీ ఉంటుంది. నామినల్ జీడీపీ అంటే ప్రస్తుత మార్కెట్ ధరలను బట్టి లెక్కించేది
- ఇక ద్రవ్యోల్బణం, సర్దుబాటు ధరల వద్ద లెక్కించే దానికి వాస్తవ జీడీపీగా చెబుతారు. నామినల్ జీడీపీ ద్రవ్యోల్బణం, ప్రతిద్రవ్యో్ల్బణం కలిగి ఉంటుంది. కానీ వాస్తవ జీడీపీ ఉత్పత్తిలో మార్పులను మాత్రమే ప్రతిబిస్తుందన్నమాట. జాతీయ గణాంకాల కార్యాలయం జీడీపీ వృద్ధి రేటును విడుదల చేస్తూ ఉంటుంది.
- త్రైమాసిక ప్రాతిపాదికన జీడీపీ గణాంకాలను విడుదల చేస్తారు. అంటే ఏడాదికి నాలుగుసార్లు విడుదల అవుతుంది. ఒక ఏడాదికి ఒకసారి వార్షిక గణాంకాలు రిలీజ్ చేస్తారు. ఆర్ధిక వ్యవస్థ మొత్తం ఉత్పత్తి ఎలా ఉందనేది జీడీపీ వెల్లడిస్తుంది. భారతదేశంలో ఐటీ, ఫైనాన్స్, రియల్ ఎస్టేట్, రిటైల్ రంగాలు జీడీపీ వృద్ధి రేటుకు ఎక్కువ దోహదపడతాయి.
- ఇక తయారీ, నిర్మాణ పరిశ్రమలు, వ్యవసాయం, పశుపోషణ, మత్స్య సంపద వంటివి కూడా జీడీపీ వృద్దికి సహకరిస్తాయి. ఉపాధి అవకాశాలు, పెట్టుబడులు, ప్రభుత్వ పన్నులు, ప్రజల ఆదాయం పెరుగదలను జీడీపీ వృద్ధి రేటు సూచిస్తుంది. జీడీపీ వృద్ధి రేటు పెరుగుదల నమోదు అయితే దేశంలో ఆర్ధిక పరిస్థితి సానుకూలంగా ఉందని అర్థం.
Follow Us