Gold: 2025 ముగిసే నాటికి భారత్ వద్ద ఎంత బంగారం ఉందో తెలుసా? టాప్ 10 దేశాలు ఇవే..
బంగారం ధరలు భారీగా పెరుగుతున్న నేపథ్యంలో, దేశాల ఆర్థిక బలానికి బంగారం నిల్వలు కీలకం. 2025 నాటికి వరల్డ్ గోల్డ్ కౌన్సిల్ నివేదిక ప్రకారం అత్యధిక బంగారం నిల్వలు ఉన్న టాప్ 10 దేశాలు ఏవో ఈ కథనంలో చూడండి. అమెరికా అగ్రస్థానంలో ఉండగా, జర్మనీ, ఇటలీ తర్వాతి స్థానాల్లో ఉన్నాయి.
బంగారం ధరలు భారీగా పెరుగుతున్న నేపథ్యంలో ఏ దేశం వద్ద ఎక్కువ బంగారం ఉంటే వారికి అది ఆర్థిక బలాన్ని పెంచుతోంది. ఈ క్రమంలో 2025 ఏడాది ముగిసే సమయానికి వరల్డ్ గోల్డ్ కౌన్సిల్ ప్రకారం అత్యధిక బంగారం కలిగి ఉన్న టాప్ 10 దేశాలు ఏవో ఇప్పుడు తెలుసుకుందాం.. అలాగే భారత్ ఏ స్థానంలో ఉంది? ఎంత బంగారం కలిగి ఉందో చూద్దాం..
నంబర్ వన్ స్థానంలో అమెరికా నిలిచింది. యూఎస్ వద్ద 8133.46 టన్నుల బంగారం ఉంది. అలాగే జర్మనీ 3350.25 టన్నుల బంగారంతో రెండో స్థానంలో నిలిచింది.
ఇక 2451.84 టన్నుల బంగారంతో ఇటలీ మూడో స్థానాన్ని ఆక్రమించింది. అలాగే 2437 టన్నులతో ఫ్రాన్స్ నాలుగో స్థానంలో నిలిచింది.
రష్యా ఐదో ప్లేస్లో ఉంది. ఆ దేశం వద్ద 2329.63 టన్నుల బంగారం ఉంది. ఇక మన పొరుగుదేశం చైనా వద్ద 2303.51 టన్నుల బంగారం ఉండగా, చైనా 6వ స్థానంలో నిలిచింది.
880.18 టన్నుల బంగారంతో భారత్ 7వ స్థానంలో నిలిచింది. 8వ స్థానంలో జపాన్ ఉండగా ఆ దేశం వద్ద 845.97 టన్నుల బంగారం ఉంది. 641.28 టన్నులతో 9వ స్థానంలో తుర్కియో, 612.45 టన్నులతో నెథర్లాండ్స్ 10వ స్థానంలో నిలిచాయి.