Google Pay నుండి ప్రతి నెలా డబ్బు డెబిట్ అవుతుందా? ఆటో-పే ఫీచర్ను ఈ విధంగా ఆఫ్ చేయండి!
Google Pay Auto Pay Feature: ఆటోమేటిక్ పేమెంట్స్ ఆప్షన్లో, మీరు లైవ్, పెండింగ్, కంప్లీటెడ్ వంటి మూడు విభాగాలను చూస్తారు. సబ్స్క్రిప్షన్ ఆటోపేలో ఉంటే, మీరు దానిని లైవ్ విభాగంలో చూస్తారు. ఏదైనా చెల్లింపు పెండింగ్లో ఉంటే, మీరు దానిని..
డిజిటల్ చెల్లింపుల కోసం వినియోగదారులు Google Payని ఎక్కువగా ఉపయోగిస్తున్నారు. గూగుల్ పే అంటే జీపే వినియోగదారులకు అనేక గొప్ప ఫీచర్లను అందిస్తుంది. వీటిలో ఆటోపే ఫీచర్ కూడా ఒకటి. ఈ ఫీచర్తో వినియోగదారులు సబ్స్క్రిప్షన్లు, యుటిలిటీ బిల్లులు, ఇతర సేవల వంటి వారి పునరావృత లావాదేవీలకు ఆటో-పే చేయవచ్చు.
అయితే కొన్ని సర్వీసులు ఒక నెల, రెండు నెలలు వాడి తర్వాత ఉపయోగించలేము. అలాంటి సమయంలో ఆటో డెబిట్ అవుతుంటుంది. కానీ ఆటో-పే కారణంగా, ప్రతి నెలా ఖాతా నుండి డబ్బు కట్ అవుతుంది.
చాలా సార్లు కొంతమంది వినియోగదారులు ఆటో-పేను రద్దు చేయడం మర్చిపోతారు. మరికొందరికి దీన్ని ఎలా చేయాలో తెలియదు. మీరు Google Payలో రిజిస్టర్ చేయబడిన ఏదైనా ఆటో-పేను కూడా రద్దు చేయాలనుకుంటే, ఈ దశలను అనుసరించండి.
మీరు ముందుగా మీ స్మార్ట్ఫోన్లో Google Pay యాప్ను తెరవండి. దీని తర్వాత, ఎగువ మూలలో కనిపించే మీ ప్రొఫైల్ ఎంపికకు వెళ్లండి. ఇక్కడ మీరు క్రిందికి స్క్రోల్ చేయడం ద్వారా ఆటో పే ఫీచర్ను కనుగొంటారు.
ఆటోమేటిక్ పేమెంట్స్ ఆప్షన్లో, మీరు లైవ్, పెండింగ్, కంప్లీటెడ్ వంటి మూడు విభాగాలను చూస్తారు. సబ్స్క్రిప్షన్ ఆటోపేలో ఉంటే, మీరు దానిని లైవ్ విభాగంలో చూస్తారు. ఏదైనా చెల్లింపు పెండింగ్లో ఉంటే, మీరు దానిని పెండింగ్ ఎంపిక కింద కనిపిస్తుంటుంది. ఎవరికైనా సబ్స్క్రిప్షన్ లేదా చెల్లింపు పూర్తయినట్లయితే, మీరు దానిని పూర్తి చేసిన విభాగంలో చూస్తారు.
మీరు సబ్స్క్రిప్షన్ను ఆపాలనుకుంటే లేదా మాన్యువల్గా చెల్లించాలనుకుంటే మీరు దాని కోసం లైవ్ ఆటో పే ఫీచర్ను కూడా ఆఫ్ చేయవచ్చు. దీని కోసం మీరు లైవ్ విభాగానికి వెళ్లి ఆ సబ్స్క్రిప్షన్కి వెళ్లి రద్దు ఎంపికను ఎంచుకోవాలి.