Top Cars Under 10K: సేఫెస్ట్.. చీపెస్ట్ కార్లు ఇవే.. టాప్ క్లాస్ ఫీచర్లతో మార్కెట్లో ఫుల్ డిమాండ్..
ప్రపంచంలోనే అత్యధికంగా కార్లు అమ్ముడయ్యే దేశాల్లో మన భారతదేశం కూడా ఒకటి. ముఖ్యంగా లో బడ్జెట్ కార్లకు ఇక్కడ అధిక డిమాండ్ ఉంటుంది. రూ. 10లక్షల లోపు ధరలోని కార్లను ఇక్కడ ఎక్కువగా కొనుగోలు చేస్తారు. ఈ బడ్జెట్లోనే కొన్ని కార్లు అద్భుతమైన పనితీరును కనబరుస్తాయి. ఇందులో ఫీచర్లు వ్యాల్యూ ఫర్ మనీలా ఉంటాయి. అయితే ఎక్కువ సంఖ్యలో కార్లు అందుబాటులో ఉన్న కారణంగా ఏది ఎంపిక చేసుకోవాలి అనే విషయంలో కాస్త గందరగోళం ఉండొచ్చు. అందుకే మీకోసం మేమే అనువైన బడ్జెట్లోని బెస్ట్ కార్లను మీకు పరిచయం చేస్తున్నాం. ఒకవేళ రూ. 10లక్షలలోపు కారు కొనుగోలు చేయాలని భావిస్తుంటే మాత్రం ఈ కథనాన్ని అస్సలు మిస్ అవ్వొద్దు.
టాటా అల్ట్రోజ్..ఇది కాంపాక్ట్ ఎస్‌యూవీ మోడల్‌లో ఉంటుంది. ఈ కారు గ్లోబల్ ఎన్ క్యాప్ క్రాష్ టెస్ట్ లో 5 స్టార్ రేటింగ్ సాధించింది. దీనిలో 1.2 లీటర్ టర్బో పెట్రోల్ ఇంజిన్ ఉంటుంది. ఇది 108బీహెచ్ పీ పవర్, 140ఎన్ఎం టార్క్ ని ఉత్పత్తి చేస్తుంది. మాన్యుల్ గేర్ బాక్స్ ఉంటుంది. ఇదే కారు 1.2 లీటర్ నాచురల్లీ ఆస్పిరేటెడ్ పెట్రోల్ ఇంజిన్ తో కూడా వస్తుంది. ఇది 86బీహెచ్ పీ పవర్, 115ఎన్ఎం టార్క్ ని ఉత్పత్తి చేస్తుంది. దీనిలో మాన్యువల్ తో పాటు డీసీఏ గేర్ బ్యాక్స్ ఉంటుంది. మైలేజీ కావాలనుకొనే వారు సీఎన్జీ వెర్షన్ కు వెళ్లొచ్చు. ట్విన్ సిలెండర్ టెక్నాలజీ మీకు బాగా ఉపకరిస్తుంది. ఈ కారు 7.80 లక్షల నుంచి ప్రారంభమైన రూ. 13.01లక్షలు(ఆన్ రోడ్ ముంబై) వరకూ ఉంటుంది.
నిస్సాన్ మాగ్నైట్.. ఇది పెద్ద సైజ్ లో ఉండే ఎస్‌యూవీ కారు. దీనిలో 1.0 లీటర్ నాచురల్లీ ఆస్పిరేటెడ్ ఇంజిన్ మాన్యువల్ గేర్ బాక్స్ తో ఉంటుంది. ఇది 71బీహెచ్ పీ వపర్, 96ఎన్ఎం టార్క్ ని ఉత్పత్తి చేస్తుంది. కొంచె ఎక్కువ రేంజ్ కావాలనుకుంటే 1.0 లీటర్ టర్బో పెట్రోల్ ఇంజిన్ ఉంటుంది. ఇది 98బీహెచ్పీ పవర్, 152ఎన్ఎం టార్క్ (మాన్యువల్ ట్రాన్స్మిషన్/160ఎన్ఎం టార్క్ (ఆటోమేటిక్ ట్రాన్స్ మిషన్)ను ఉత్పత్తి చేస్తుంది. దీనిలో 8.0 అంగుళాల ఇన్ఫోటైన్ మెంట్, 7.0 అంగుళాల ఇన్ స్ట్రుమెంట్ క్లస్టర్, 360 డిగ్రీల కెమెరా, నిస్సాన్ కనెక్ట్, వైర్ లెస్ ఆండ్రాయిడ్ ఆటో, యాపిల్ కార్ ప్లే , ఫుల్ ఎల్ఈడీ హెడ్ ల్యాంప్స్ వంటి ఫీచర్స్ ఉంటాయి. సేఫ్టీ కి అధిక ప్రాధాన్యం ఇచ్చారు. డ్యూయల్ ఎయిర్ బ్యాగ్స్ తో పాటు పలు అత్యాధునిక సేఫ్టీ ఫీచర్స్ జోడించారు. దీని ధర రూ. 7.38లక్షల నుంచి రూ. 13.22 లక్షలు(ఆన్ రోడ్ ముంబై) ఉంటుంది.
హ్యూందాయ్ ఎక్స్‌టర్.. పలు రకాల వేరియంట్లో ఈ కారు అందుబాటులో ఉంది. అందులో ఎక్స్‌టర్ ఎస్ఎక్స్ కారు బెస్ట్ అని చెప్పొచ్చు. ఈ కారులో 1.2 లీటర్ నేచురల్లీ ఆస్పిరేటెడ్ ఇంజిన్ ఉంటుంది. 81 బీహెచ్ పీ పవర్, 113ఎన్ఎం టార్క్ ని ఉత్పత్తి చేస్తోంది. మాన్యువల్, ఏఎంటీ గేర్ బాక్స్ తో వస్తుంది. ఏఎంటీ గేర్ బ్యాక్స్ తో పాటు ప్యాడెల్ షిఫ్టర్ కలిగిన తొలి కారు ఇదే కావడం విశేషం. ఇది సీఎన్జీ వెర్షన్ లో కూడా అందుబాటులో ఉంది. ప్రొజెక్టర్ హెడ్ ల్యాంప్స్, 8.0 ఇన్ఫోటైన్ మెంట్, స్టీరింగ్ మౌంటెడ్ కంట్రోల్స్ , ముందు వెనుక స్పీకర్స్, ఎలక్ట్రిక్ సన్ రూఫ్, క్రూయిజ్ కంట్రోల్, ఆటోమేటిక్ క్లైమేట్ కంట్రోల్ వంటి ఫీచర్లు ఉంటాయి. సేఫ్టీ కూడా అత్యధిక ప్రాధాన్యం ఇచ్చారు. పలు క్రాష్ టెస్ట్ లలో ఉత్తమ స్కోర్ సాధించింది. ఎక్స్ టర్ కారు వేరియంట్స్ ధర రూ. 7.13లక్షల నుంచి రూ. 12.08లక్షలు(ఆన్ రోడ్, ముంబై) ఉంటుంది. ఎక్స్‌టర్ ఎస్ఎక్స్ వేరింయట్ మాత్రం రూ. 9.44లక్షలు ఉంటుంది.
మహీంద్రా ఎక్స్‌యూవీ300.. వాస్తవానికి ఈ కారు రూ. 10లక్షలకు పైగానే ఉంటుంది. కానీ ఇటీవల కొన్ని వెర్షన్లను రూ. 10లక్షలలోపు మహీంద్రా తీసుకొచ్చింది. దీనిలో డ్యూయల్ జోన్ క్లైమేట్ కంట్రోల్, 7 అంగుళాల ఇన్ఫోటైన్ మెంట్, ఆటో డిమ్మింగ్ ఐఆర్వీఎం, టైర్ పొజిషన్ డిస్ ప్లే, ఎలక్ట్రికల్ అడ్జస్టబుల్ ఓఆర్వీఎం ఉంటాయి. నాలుగు స్పీకర్లు, రెండు ట్వీటర్లు ఉంటాయి. ఇంజిన్ విషయానికి వస్తే 1.2 లీటర్ టర్బో పెట్రోలఓ(108బీహెచ్పీ/200ఎన్ఎం), 1.2 లీటర్ టీజీడీఐ పెట్రోల్(128బీహెచ్పీ/250ఎన్ఎం), 1.5 లీటర్ డీజిల్ ఇంజిన్(115బీహెచ్పీ/300ఎన్ఎం) సామర్థ్యాలతో ఉంటుంది. ఇవ్వన్నీ మాన్యువల్, ఏఎంటీ గేర్ బాక్స్ లలో అందుబాటులో ఉంటాయి. ఇది కూడా గ్లోబల్ ఎన్ క్యాప్ క్రాష్ టెస్ట్ లో 5 స్టార్ రేటింగ్ సాధించింది. ఆరు ఎయిర్ బ్యాగ్స్ ఉంటాయి. దీని ధర రూ. 9.39లక్షల నుంచి 17.60లక్షలు(ఆన్ రోడ ముంబై) ఉంటుంది. రూ. 10లక్షల లోపు బడ్జెట్లో డబ్ల్యూ2, డబ్ల్యూ4 వేరియంట్లు అందుబాటులో ఉన్నాయి.
టాటా పంచ్.. ఈ కారు కూడా గ్లోబల్ ఎన్ క్యాప్ క్రాష్ టెస్ట్ లో 5 స్టార్ రేటింగ్ సాధించింది. దీనిలో డ్యూయల్ ఎయిర్ బ్యాగ్స్, ఐసోఫిక్స్, బ్రేక్ వే కంట్రోల్స్, రెయిన్ సెన్సింగ్ వైపర్స్, డీఫోజర్, ఐటీపీఎంఎస్ సేఫ్టీ ఫీచర్లు ఉంటాయి. 1.2 లీటర్ నేచురల్లీ ఆస్పిరేటెడ్ ఇంజిన్ ఉంటుంది. 86బీహెచ్ పీ, 115ఎన్ఎం టార్క్ ని ఉత్పత్తి చేస్తుంది. 5 స్పీడ్ మాన్యువల్, ఏఎంటీ వెర్షన్లు అందుబాటులో ఉన్నాయి. దీని ధర రూ. 7.12లక్షల నుంచి రూ. 12.05లక్షలు(ఆన్ రోడ్ ముంబై) ఉంటుంది.