SpiceJet Offers: విమాన ప్రయాణికులకు గుడ్‌న్యూస్‌.. అదిరిపోయే ఆఫర్.. 30 శాతం డిస్కౌంట్
ప్రముఖ విమానయాన సంస్థ స్పైస్ జెట్ తాజాగా ప్రయాణికులకు మంచి ఆఫర్‌ను అందుబాటులోకి తీసుకువచ్చింది. అన్ని దేశీ విమానాలపై 30 శాతం వరకు డిస్కౌంట్ అందిస్తోంది. ..
ప్రముఖ విమానయాన సంస్థ స్పైస్ జెట్ తాజాగా ప్రయాణికులకు మంచి ఆఫర్‌ను అందుబాటులోకి తీసుకువచ్చింది. అన్ని దేశీ విమానాలపై 30 శాతం వరకు డిస్కౌంట్ అందిస్తోంది. అయితే ఈ ఆఫర్ కేవలం కొంత మందికే వర్తిస్తుంది. సర్టిఫైడ్ హెల్త్ కేర్ ప్రొఫెషనల్స్‌కు మాత్రమే ఈ ఆఫర్ అందుబాటులో ఉంటుంది.
కరోనాతో పోరాడుతూ ప్రజలకు సేవలు అందిస్తున్న హెల్త్ కేర్ వర్కర్లకు విమాన టికెట్ల బేస్ ఫేర్‌లో 30 శాతం తగ్గింపు అందించనుంది. అయితే ఈ ఆఫర్ వర్తించాలంటే ముందుగా ప్రొఫెషనల్ ఐడీ, రిజిస్ట్రేషన్ నెంబర్ వంటివి సమర్పించాల్సి ఉంటుంది. టికెట్ బుకింగ్ సమయంలో ఈ వివరాలు అందిస్తే సరిపోతుంది.
అలాగే చెకిన్, బోర్డింగ్ సమయంలో కూడా ఇదే ఐడీ వివరాలు అందించాల్సి ఉంటుంది. ఇకపోతే ఎయిర్‌పోర్ట్ యూసేజ్ చార్జీలు, ట్యాక్సులు వంటివి మాత్రం చెల్లించాలి. ఈ ఆఫర్ సెప్టెంబర్ 30 వరకు అందుబాటులో ఉంటుందని కంపెనీ తెలిపింది. విమాన ప్రయాణం చేసే హెల్త్ కేర్ వర్కర్లకు ఈ ఆఫర్ వల్ల బెనిఫిట్ ఉంటుంది.
ప్రయాణికులు మెడికల్ కౌన్సిల్ ఆఫ్ ఇండియా, స్టేట్ మెడికల్ కౌన్సిల్, ఇండియన్ నర్సింగ్ కౌన్సిల్ వంటి ప్రభుత్వ సంస్థలు జారీ చేసే ఐడీ కార్డు ఉంటే సరిపోతుంది. ఒకవేళ ఈ డాక్యుమెంట్లు లేకపోతే అప్పుడు సాధారణ చార్జీలే వర్తిస్తాయి.