Realme-C11-2021: భారత్‌లో రియల్‌మి స్మార్ట్ఫోన్ విడుదల.. అత్యాధునిక ఫీచర్స్‌.. తక్కువ ధరల్లో లభ్యం
మొబైల్‌ తయారీ కంపెనీలు కస్టమర్లను మరింతగా ఆకట్టుకునేందుకు రోజురోజుకు కొత్త కొత్త స్మార్ట్‌ఫోన్‌లను మార్కెట్లోకి వదులుతున్నాయి. అత్యాధునిక ఫీచర్స్‌ను జోడిస్తూ..
మొబైల్‌ తయారీ కంపెనీలు కస్టమర్లను మరింతగా ఆకట్టుకునేందుకు రోజురోజుకు కొత్త కొత్త స్మార్ట్‌ఫోన్‌లను మార్కెట్లోకి వదులుతున్నాయి. అత్యాధునిక ఫీచర్స్‌ను జోడిస్తూ విడుదల చేస్తున్నాయి. తాజాగా రియల్‌ మి తన అభిమానులకు శుభవార్త చెప్పింది. రియల్‌మి సి11(2021) బడ్జెట్ స్మార్ట్ఫోన్ భారత్‌లో విడుదలైంది.
సింగిల్ రియర్ కెమెరా, 5,000 ఎంఏహెచ్ బ్యాటరీ, ఆక్టాకోర్ ఎస్ఓసీ, 2జీబీ ర్యామ్, 256 జీబీ వరకు మెమొరీని పెంచుకునే వెసులుబాటు వంటివి ఈ మొబైల్‌లో ఉన్నాయి. తక్కువ ధరల్లో అందుబాటులోకి తీసుకువచ్చింది. రియల్‌మి సి 11(2021) 2జీబీ+32జీబీ స్టోరేజీ వేరియంట్ ధర రూ. 6,999 మాత్రమే.
అయితే ఈ స్మార్‌ఫోన్‌ను రియల్‌మి డాట్ కామ్ వెబ్‌సైట్‌ నుంచి కొనుగోలు చేసుకోవచ్చు. కూల్ బ్లూ, కూల్ గ్రే రంగుల్లో అందుబాటులో ఉంది. ఆండ్రాయిడ్ 11 ఓఎస్, 6.5 అంగుళాల హెచ్‌డీ ప్లస్ డిస్‌ప్లే, ఆక్టాకోర్ ఎస్ఓసీ, 2జీబీ ర్యామ్, వెనకవైపు 8 ఎంపీ సింగిల్ కెమెరా, ఎల్‌ఈడీ ఫ్లాష్, 5 ఎంపీ సెల్ఫీ కెమెరాలు ఉన్నాయి.
32 జీబీ ఆన్‌బోర్డ్ మెమొరీ, మైక్రో ఎస్డీ కార్డు ద్వారా 256 జీబీ వరకు పెంచుకునే సదుపాయం ఉంది. బ్యాటరీ సామర్థ్యం 5,000 ఎంఏహెచ్. అలాగే రివర్స్ చార్జింగ్ సపోర్ట్ వంటి సదుపాయాలున్నాయి.