Insurance Policy: ఇన్సూరెన్స్ పాలసీ తీసుకునేటప్పుడు ఈ 5 తప్పులు అస్సలు చేయొద్దు.. భారీగా నష్టపోతారు!
అసలే కరోనాకాలం.. ఆపై ఎప్పుడు.! ఎలా.! ఉంటుందో తెలియని పరిస్థితి. ఇలాంటి సమయంలోనే ప్రజలందరూ ఇన్సూరెన్స్ పాలసీ చేయించుకోవడం..
అసలే కరోనాకాలం.. ఆపై ఎప్పుడు.! ఎలా.! ఉంటుందో తెలియని పరిస్థితి. ఇలాంటి సమయంలోనే ప్రజలందరూ ఇన్సూరెన్స్ పాలసీ చేయించుకోవడం చాలా ముఖ్యమని నిపుణులు అంటుంటారు. అందుకేనేమో ఈమధ్య ఆరోగ్య బీమా వేగంగా వృద్ది చెందింది. అయితే బీమా తీసుకునేటప్పుడు కొన్ని పొరపాట్లు చేయరాదని బిజినెస్ నిపుణులు అంటున్నారు. అవేంటో చూద్దాం మరి.!
బీమా తీసుకునేటప్పుడు మీకు ఏదైనా క్రిమినల్ రికార్డు ఉంటే.. అది ఖచ్చితంగా సంస్థకు తెలియజేయండి. సదరు కంపెనీ మీకు క్రిమినల్ రికార్డు ఉందని గుర్తించినట్లయితే.. మీ పాలసీ రిజక్ట్ అవుతుంది.. డబ్బు మొత్తం పోతుంది.
మీరు ధూమపానం చేస్తున్నట్లయితే.. బీమా తీసుకునేటప్పుడు ఆ విషయాన్ని సదరు ఇన్సూరెన్స్ సంస్థకు తెలియజేయండి. వాస్తవానికి, ధూమపానం చేసేవారి ప్రీమియం ఎక్కువగా ఉంటుంది, దీని కారణంగా ప్రజలు ఆ విషయాన్ని దాచిపెడతారు. కానీ అలా చేయడం ద్వారా, క్లెయిమ్‌ను సెటిల్మెంట్ చేసుకోవడంలో ఇబ్బందులు ఉంటాయి.
మీరు మద్యం సేవిస్తున్నా, లేదా మత్తుపదార్ధాలను తీసుకుంటుంటే.. బీమాను తీసుకునేటప్పుడు దానిని ప్రస్తావించండి. ఎందుకంటే మీరు చనిపోయిన తర్వాత, మీ మరణానికి కారణం డ్రగ్స్ అయితే.. ఖచ్చితంగా మీ బీమా తిరస్కారానికి గురవుతుంది.
క్లెయిమ్‌ను క్లోజ్ చేసేటప్పుడు ప్రతీ బీమా సంస్థ.. లబ్దిదారుడు మెడికల్ హిస్టరీని పరిశీలిస్తుంది. అలాంటి పరిస్థితుల్లో మీరు సరైన సమాచారాన్ని అందించకపోతే.. మీరు నష్టం భరించాల్సి వస్తుంది.